लक्ष्मीनागरी पतसंस्थेला ५० लाखाचा नफा

लक्ष्मीनागरी पतसंस्थेस ५० लाख नफा
सकाळ वृत्तसेवा
खेड, ता. ४ : येथील श्री लक्ष्मीनागरी सहकारी पतसंस्थेने आर्थिक वर्षाच्या शेवटच्या दिवशी आपला वार्षिक ताळेबंद जाहीर केला आहे. पतसंस्थेतील थकबाकीदारांचे प्रमाण गतवर्षीपेक्षा यंदा कमी झालेले आहे तर पतसंस्थेला या आर्थिक वर्षात ५० लाख ६४ हजाराचा नफा झाला आहे, असे पदाधिकाऱ्यांनी सांगितले.
पतसंस्थेने २०२४-२५ या आर्थिक वर्षाचा आर्थिक ताळेबंद ३१ मार्च रोजी जाहीर केला. त्यानुसार या आर्थिक वर्षाअखेर पतसंस्थेच्या ठेवी ३७ कोटी २२ लाख इतक्या असून, कर्जवाटप २६ कोटी ७१ पर्यंत झाले आहे. पतसंस्थेने विविध क्षेत्रात केलेली गुंतवणूक १४ कोटी ६९ लाख इतकी असून, यंदा पतसंस्थेने ५० लाख ६४ हजार इतका नफा मिळवला आहे. संस्थेचा सीडी रेशो ६५.८३ टक्के आहे. निव्वळ एनपीए १.२६, एकूण कर्ज थकबाकी ४.९७ सीआरएआर १६.१३ टक्के, एसएलआर ३६.७५ टक्के आहे. २०२५-२६ साठी ५० कोटी ठेवीचे उद्दिष्ट ठेवले असल्याची माहिती अध्यक्ष शीतल पेठे यांनी दिली. सभासदांचा सातत्याने पतसंस्थेवर असलेल्या विश्वासामुळेच यश मिळत आहे, असे अध्यक्ष शीतल पेठे, उपाध्यक्ष सुनील मोघे, संस्थेचे मुख्य कार्यकारी अधिकारी संदीप मोडक यांनी नमूद केले.
---