समर्थ भंडारी पतसंस्थेला १६ कोटी ६५ लाखाचा नफा

‘समर्थ भंडारी’ पतसंस्थेस
१६ कोटी ६५ लाखांचा नफा
सकाळ वृत्तसेवा
चिपळूण, ता. ४ ः श्री समर्थ भंडारी नागरी सहकारी पतसंस्थेला २०२४-२५ या आर्थिक वर्षाअखेर १६ कोटी ६५ लाख ढोबळ नफा झाला आहे. तरतुदीनंतर संस्थेला रुपये ६ कोटी ८५ लाख निव्वळ नफा झाला असल्याची माहिती संस्थेचे संस्थापक अध्यक्ष प्रभाकर आरेकर यांनी दिली.
संस्थेचे कार्यक्षेत्र कोकण विभाग असून, १८ शाखा व २ कलेक्शन सेंटर कार्यरत आहेत. संस्थेच्या एकूण ठेवी २१९ कोटी ४ लाख झाल्या असून, ठेवीमध्ये ३५ कोटी ८४ लाखांनी वाढ झाली आहे. एकूण कर्जव्यवहार १७६ कोटी १८ लाख असून, कर्जव्यवहारामध्ये ३० कोटी ५६ लाख वाढ झाली आहे. भागभांडवल १२ कोटी ८४ लाख, निधी १६ कोटी ७८ लाख, गुंतवणुका ८३ कोटी ५ लाख तसेच संस्थेचे खेळते भांडवल २७३ कोटी ९० लाख झाले आहे. संस्थेचा एकत्रित व्यवसाय ३९५ कोटी २२ लाख असून, त्यामध्ये गतवर्षीपेक्षा रुपये ६६ कोटी ३९ लाख वाढ झालेली आहे. थकबाकीचे एकूण कर्जाशी प्रमाण केवळ ०.१२ टक्के आहे. ३१ मार्चअखेर एनपीओचे प्रमाण शून्य टक्के आहे. नवीन चार शाखांना परवानगी मिळाली असून, त्या लवकरच सुरू करण्यात येतील असे प्रभाकर आरेकर यांनी सांगितले.