चिपळुणात कॉंग्रेसकडून पहलगाममधील घटनेचा निषेध

काँग्रेसकडून पहलगाममधील घटनेचा निषेध
सकाळ वृत्तसेवा
चिपळूण, ता. २६ ः जम्मू-काश्मीर येथील पहलगाम येथे पर्यटकांवर दहशतवाद्यांकडून झालेल्या भ्याड हल्ल्याचा चिपळूण तालुका काँग्रेसकडून तीव्र निषेध करण्यात आला असून, सरकारने या विरोधात जशास तसे उत्तर देऊन दहशतवाद्यांवर कडक कारवाई करावी, या मागणीचे निवेदन काँग्रेसच्यावतीने प्रांताधिकारी आकाश लिगाडे यांना देण्यात आले.
या भ्याड हल्ल्याचे पडसाद चिपळुणात उमटले आहेत. याचा चिपळूण तालुका काँग्रेसने तीव्र निषेध केला असून, प्रांताधिकारी यांना निवेदन दिले. या वेळी काँग्रेसचे तालुकाध्यक्ष लियाकत शाह, सेवादल जिल्हाध्यक्ष तुळशीराम पवार, माजी नगरसेवक कबीर काद्री, शहराध्यक्ष संतोष सावंत देसाई, तालुका उपाध्यक्ष सुबोध सावंतदेसाई, जिल्हा सरचिटणीस राजेंद्र भुरण, दादा आखाडे, सुनील खेडेकर आदी उपस्थित होते.