उपमुख्यमंत्री पवार यांनी दिली भेट

- rat३०p१३.jpg -
२५N६०८९४
सावर्डे ः सह्याद्री तंत्रनिकेतन येथील प्रकल्प प्रदर्शनात पाहणी करताना उपमुख्यमंत्री अजित पवार सोबत अनिरूद्ध निकम.

‘सह्याद्री’ला अजित पवार यांनी दिली भेट
सकाळ वृत्तसेवा
सावर्डे, ता. ३०: उपमुख्यमंत्री अजित पवार यांनी संगमेश्वर दौऱ्यानिमित्त चिपळूण तालुक्यातील सावर्डे येथे असलेल्या सह्याद्री तंत्रनिकेतन या महाविद्यालयाला भेट दिली. या वेळी विद्यार्थ्यांनी विविध प्रकल्पाचे प्रदर्शन मांडले होते.
विद्यार्थ्यांनी विज्ञान, तंत्रज्ञान, अभियांत्रिकीसारख्या विविध क्षेत्रांतील प्रकल्पांद्वारे आपली कौशल्ये आणि कल्पकता दाखवून दिली. त्यामध्ये नारळपाणी संकलन उपकरण, अगदी सोप्या पद्धतीने शहाळे कटिंग करणारे मशिन, थ्रीडी प्रिंटिंग मशिन यामध्ये तर दादांचे चित्र अवघ्या सात मिनिटांमध्ये काढण्यात आले. त्याचबरोबर उसाच्या चिपाडापासून विटा तयार करण्यात आल्या होत्या. एका तासात चार्जिंग करून ४० किलोमीटर पळणारे इलेक्ट्रिक स्कुबी असे प्रकल्प मांडण्यात आले होते. या प्रसंगी आमदार व सह्याद्री शिक्षणसंस्थेचे कार्याध्यक्ष शेखर गोविंदराव निकम उपस्थित होते.