देवरूख तलाठी कार्यालयात अभ्यागत कक्ष

तलाठी कार्यालयात अभ्यागत कक्ष
साडवली, ता. २ : महाराष्ट्र दिन व कामगार दिनानिमित्ताने देवरूख तलाठी कार्यालय येथे अभ्यागत कक्ष स्थापन करण्यात आला आहे. त्याचे उद्‍घाटन तहसीलदार अमृता साबळे यांच्या हस्ते झाले. विविध प्रकारच्या शासकीय कामकाजासाठी तलाठी कार्यालयात ग्रामस्थ, खातेदार मोठ्या प्रमाणात येत असतात. सातबारा व अन्य उतारे, उत्पन्नदाखले, वारसतपास, फेरफार नोंदी, संजय गांधी वगैरे योजना, निवडणूक इत्यादी कामे तलाठी कार्यालयात होत असतात. त्याची माहिती नागरिकांना या कक्षातून देण्यात येणार आहे. विविध प्रकारच्या माहितीचे संकलन करून चलचित्रफीत दर्शवण्यात येणार आहे. शासनाने जाहीर केलेल्या १०० दिवस कृती आराखडा योजनेंतर्गत हा उपक्रम राबवण्यात येत आहे.