छत्रपती संभाजी महाराजांना सावंतवाडीत १४ ला वंदन

61643

छत्रपती संभाजी महाराजांना
सावंतवाडीत १४ ला वंदन

सकाळ वृत्तसेवा
सावंतवाडी, ता. ४ ः येथील स्वराज्य संघटनेतर्फे १४ मे रोजी धर्मवीर छत्रपती संभाजी महाराजांची जयंती साजरी करण्यात येणार आहे. सावंतवाडी जिल्हा कारागृहामागे धर्मवीर संभाजी चौक येथे छत्रपती संभाजी महाराजांच्या जयंती उत्सवाच्या कार्यक्रमाचे आयोजन करण्यात आले आहे.
यानिमित्त सकाळी अभिषेक, दिवसभर विविध कार्यक्रमांचे आयोजन तसेच सायंकाळी ५ वाजता दुचाकी रॅली व रात्री ८ वाजता कोकणातील पारंपरिक दशावतारी नाट्यप्रयोगाचे आयोजन करण्यात आले आहे. सर्व शिवभक्त, शिवप्रेमींनी कार्यक्रमात सहभागी होऊन छत्रपती संभाजी महाराजांना अभिवादन करावे, असे आवाहन स्वराज्य संघटनेच्या वतीने करण्यात आले आहे. यावेळी स्वराज्य संघटनेचे साईनाथ जामदार, ॲड. राजू कासकर, महेश पांचाळ, अजित सांगेलकर, श्रीपाद सावंत, संदीप धुरी, अंकित तेंडुलकर, प्रशांत ठाकूर, श्याम रेमुळकर, ज्योतिबा टपाले आदी उपस्थित होते.