गटविकास अधिकारी चव्हाणांचा मालवणात शिक्षकांतर्फे सत्कार

61644

गटविकास अधिकारी चव्हाणांचा
मालवणमध्ये शिक्षकांतर्फे सत्कार
सकाळ वृत्तसेवा
मालवण, ता. ४ : तालुक्याचा शैक्षणिक दर्जा उंचावण्यासाठी आपण शिक्षक संघटनेच्या माध्यमातून अधिकाधिक प्रयत्न करणार आहे. तसेच शिक्षक, विद्यार्थी यांच्या समस्या सोडविण्यासाठी कटिबद्ध आहे, असे येथील पंचायत समितीचे नवनिर्वाचित गटविकास अधिकारी श्याम चव्हाण यांनी स्पष्ट केले. महाराष्ट्र राज्य प्राथमिक शिक्षक समिती शाखा मालवण यांच्या वतीने आज गटविकास अधिकारी चव्हाण यांची भेट घेत शुभेच्छा देण्यात आल्या. यावेळी शिक्षक समितीचे तालुकाध्यक्ष जीवन हजारे, सचिव नंदकिशोर पाडगावकर, माजी तालुकाध्यक्ष राजेंद्र प्रसाद गाड, जिल्हा उपाध्यक्ष रूपेश गरुड, पतपेढीचे संचालक मंगेश कांबळी, चंद्रसेन पाताडे, रामचंद्र कदम, तानाजी गावडे, उदय कदम, सुषण ढवण, संदीप नेवाळकर आदी उपस्थित होते.
मालवण तालुका शिक्षण क्षेत्रात अव्वल आणण्यासाठी शिक्षक समितीने सहकार्य करावे, असे आवाहन यावेळी चव्हाण यांनी केले.