एसटी चालकावर गुन्हा दाखल

एसटी चालकावर गुन्हा दाखल
चिपळूण : गुहागर-विजापूर मार्गावरील कुंभार्ली घाटातील अवघड वळणावर उभ्या असलेल्या ट्रकला शनिवारी (ता. ३) सायंकाळी ७ वाजता एसटी बसची धडक बसली. अपघातात एसटी व ट्रकचे नुकसान झाले आहे. याबाबतची फिर्याद सागर बबन देशमुख (वय ३६) याने अलोरे शिरगाव पोलिस ठाण्यात दिली. जयसिंग भीमराव पाटील हे कोल्हापूर-चिपळूण (एमएच १३ सीयू ७३६६) ही बस गुहागर-विजापूर मार्गावरून कुंभार्ली घाटातून नेत होते. घाटातील उतारावर उभ्या असलेल्या ट्रकला एसटीने मागून धडक दिली. एसटी चालकावर गुन्हा दाखल करण्यात आला आहे.