करजुवे खाडीतील अनधिकृत वाळू उपशावर कारवाईची मागणी

करजुवे खाडीतील अनधिकृत वाळू उपशावर कारवाईची मागणी

Published on

‘करजुवे’तील वाळू उपशावर कारवाई करा
परशुराम पवार ः जिल्हाधिकाऱ्यांना निवेदन
सकाळ वृत्तसेवा
संगमेश्वर, ता. ७ ः संगमेश्वर तालुक्यातील करजुवे खाडीत अनाधिकृत वाळू उपसा होत असून, उपसा करणाऱ्यांवर कारवाई करण्यात यावी तसेच तहसीलदार यांचे निलंबन करण्यात यावे, अशी मागणी करणारे निवेदन जिल्हाधिकारी देण्यात आले आहे. येथे सक्शन पंपाद्वारे वाळू उपसा होत आहे.
संगमेश्वर येथील सामाजिक कार्यकर्ते परशुराम पवार यांनी याबाबत निवेदन दिले आहे. करजुवे खाडीत किमान दहा वाळू व्यावसायिक सक्शन पंपाने बेसुमार वाळू उपसा करत असून याबाबत तहसीलदारांना २४ एप्रिलला निवेदन देऊनही वाळूचोरीवर कोणतीही कारवाई करण्यात आलेली नाही, असे निवेदनात म्हटले आहे. करजुवे खाडीतील होड्या, पंपपाईप, जेसीबी, वाळूसाठे आदी साहित्य जमा करण्यात यावे, असे म्हटले आहे. करजुवे येथील बेसुमार चोरट्या वाळू उपशामुळे शासनाचा महसूल मोठ्या प्रमाणात बुडत असून वाळू चोरी होत आहे. येथील तहसीलदार यांच्यावर निलंबनाची कारवाई करण्यात यावी, अशी मागणी परशुराम पवार यांनी केली आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com