वाहतूक कोंडीमुळे तालुकावासीय त्रस्त

-rat७p१४.jpg-
२५N६२३२०
मंडणगड : शहर परिसरातील झालेली वाहतूककोंडी.
------
वाहतूककोंडीमुळे तालुकावासीय त्रस्त
मंडणगड शहर; पार्किंगची गंभीर समस्या, नियोजनाची आवश्यकता
सकाळ वृत्तसेवा
मंडणगड, ता. ७ ः मे महिन्यात शहरात विविध कारणांनी वाढलेल्या वाहतुकीमुळे परिसरात वारंवार वाहतूककोंडी होत आहे. बाणकोट रोड, भिंगळोली, पाटरोड आणि बसस्थानक या मार्गावरील सर्व वाहतूक मुख्य चौकात एकत्र येते. पोलिसांनी या प्रश्नाकडे लक्ष देऊन नागरिकांची गैरसोय दूर करण्याची आवश्यकता आहे.
मे महिन्याच्या सुटीत चाकरमानी गावाकडे आले आहेत. त्यात रस्ता व मायनिंगचे डंपर यामुळे शहरातील बाजारपेठाच्या तीन मुख्य रस्त्यांवर वाहतूककोंडीची समस्या निर्माण होत आहे. शहर परिसरात कोठेही वाहनतळ नसल्याने तालुक्याच्या ग्रामीण भागातून खरेदी व अन्य कारणांसाठी मंडणगडला आलेले नागरिक आपली वाहने रस्त्याशेजारी उभे करतात. त्यामुळे मुख्य चौकात एसटी व मोठी वाहने आल्यास वाहतूककोंडी होते. कोंडी झाल्यावर ती पूर्ववत करण्यासाठी खूप वेळ जातो. शहरातील मुख्य चौकात वाहतूककोंडी होणार नाही यासाठी सुटीच्या हंगामात मुख्य चौकात वाहतूक पोलिस दिवसभर असण्याची गरज आहे. बाजारपेठेतील रस्त्यावर वाहने उभी राहणार नाहीत याची काळजी घेणे आवश्यक आहे. या दृष्टीने पोलिस प्रशासनाने कठोर उपायांची गरज नागरिकांमधून व्यक्त केली जात आहे.