‘ऑपरेशन सिंदूर’बाबत कुडाळमध्ये आनंदोत्सव

62321
‘ऑपरेशन सिंदूर’बाबत
कुडाळमध्ये आनंदोत्सव

सकाळ वृत्तसेवा
कुडाळ, ता. ७ ः पहलगाम येथील दहशतवादी हल्ल्याचा बदला म्हणून भारताने ‘ऑपरेशन सिंदूर’द्वारे मध्यरात्री हवाई हल्ला करून पाकिस्तानातील दहशतवाद्यांचे तळ उद्ध्वस्त केले. या कारवाईबाबत कुडाळ येथे भारतीय देशप्रेमी नागरिकांनी फटाके फोडून आनंदोत्सव साजरा केला.
जम्मू-काश्मीरमधील पहलगाम येथे फिरण्यासाठी गेलेल्या पर्यटकांवर दहशतवाद्यांनी धर्म विचारून हल्ला केला होता. त्याचा बदला म्हणून भारताने ‘ऑपरेशन सिंदूर’द्वारे पाकिस्तानात एअर स्ट्राईक करीत तेथील दहशतवाद्यांचे तळ उद्ध्वस्त केले. येथील राजमाता जिजाऊ चौकात देशप्रेमी नागरिकांनी फटाके फोडून ऑपरेशन सिंदूरबाबत आनंदोत्सव साजरा केला. यावेळी मिलिंद देसाई, बंड्या सावंत, विवेक पंडित, मंगेश पावसकर, रमाकांत नाईक, शिवम्‌ म्हाडेश्वर, राजू राऊळ, मंगेश पावसकर, नीलेश परब, गणेश भोगटे, संध्या तेर्से, सुनील बांदेकर, अदिती सावंत, अविनाश पाटील, राजू बक्षी, दैवेश रेडकर, नचिकेत देसाई, चेतन धुरी, सागर वालावलकर, रामा सावंत, घनःश्याम परब आदी उपस्थित होते.