-सर्पदंशाने मृत महिलेच्या कुटुंबीयांना नुकसान भरपाई द्या

-rat७p१९.jpg-
२५N६२३५१
राजापूर ः तहसीलदार विकास गंबरे यांना निवेदन देताना अनामिका जाधव, नित्यानंद पाटील, दिलीप चव्हाण आदी.
-----
सर्पदंशाने मृत महिलेच्या
कुटुंबीयांना नुकसान भरपाई द्या
भंडारी हितवर्धक मंडळाची मागणी ; तहसीलदारांना निवेदन
सकाळ वृत्तसेवा
राजापूर, ता. ७ ः आंबोळगड येथील भंडारी समाज भगिनी सुविधा सुगंध वाडेकर यांचा सर्पदंशाने मृत्यू झाला. या प्रकरणी वाडेकर यांच्या मृत्यूला जबाबदार असणारे डॉक्टर व आरोग्य विभागातील कर्मचारी यांच्यावर कठोर कारवाई करावी तसेच वाडेकर कुटुंबीयांना शासनाने नुकसान भरपाई द्यावी, अशी मागणी भंडारी हितवर्धक मंडळाने केली आहे. याबाबतचे निवेदन तहसीलदारांना दिले आहे. या वेळी भंडारी हितवर्धक मंडळ राजापूरच्या अध्यक्षा अनमिका जाधव, उपाध्यक्ष नित्यानंद पाटील, सचिव राजेंद्र मयेकर, सहसचिव सुजित पारकर, खजिनदार प्रदीप भाटकर, सदस्य महेश मयेकर, अमर नार्वेकर, दिलीप चव्हाण, रवींद्र घोसाळे, स्वाती बोटले, दिलीप चव्हाण, सौरभ जाधव, सूरज पेडणेकर यांसह अन्य समाजबांधव मोठ्या संख्येने उपस्थित होते.