बॅ. नाथ पै विद्यालयात उद्बोधन वर्गास प्रतिसाद

62530

बॅ. नाथ पै विद्यालयात
उद्बोधन वर्गास प्रतिसाद
सकाळ वृत्तसेवा
कुडाळ, ता. ८ः उन्हाळी सुटीच्या कालावधीमध्ये बॅ. नाथ पै विद्यालय, कुडाळ येथे उद्बोधन वर्गाचे आयोजन करण्यात आले. यामध्ये विद्यार्थ्यांना शिष्यवृत्ती, बुद्धिमत्ता, विज्ञान, गणित, सुंदर हस्ताक्षर तसेच इंग्लिश स्पीकिंग या विषयांचे मार्गदर्शन करण्यात आले. यासाठी अक्षर महर्षी विकास गोवेकर, श्री. नांदोस्कर यांचे विद्यार्थ्यांना मार्गदर्शन लाभले. इंग्लिश स्पीकिंगसाठी कुडाळातील प्रसिद्ध शिक्षक पीटर शेरावत यांनी मार्गदर्शन केले. त्याचबरोबर प्रशालेचे शिक्षक सुर्वे, गावडे, मठकर, श्रीमती कोकरे, शांती पावसकर यांनी शिष्यवृत्ती परीक्षेसाठी बुद्धिमत्ता, भाषा विषयांचे मार्गदर्शन केले. या उद्बोधन वर्गामध्ये मुलांना मिळालेल्या माहितीचा त्यांना निश्चितच फायदा होणार आहे. मंगळवारी (ता. ६) या उद्बोधन वर्गाचा समारोप करण्यात आला. मुख्याध्यापक प्रेमदास राठोड, सहकारी शिक्षक, शिक्षकेतर कर्मचारी यांनी उपस्थित विद्यार्थ्यांना उन्हाळी सुटीसाठी शुभेच्छा देत निरोप दिला.