आदर्श गाव प्रकल्पांतर्गत केरची निवड

swt915.jpg

केरः आदर्शगाव संकल्प व प्रकल्प समिती कृषि आयुक्तालय पुणे येथील तांत्रिक चमूसोबत ग्रामपंचायत प्रतिनिधी.

आदर्श गाव प्रकल्पांतर्गत
केरची पथकाकडून पाहणी
विकासात्मक कामांबाबत मार्गदर्शन
सकाळ वृत्तसेवा
दोडामार्ग, ता. ९ः आदर्श गाव संकल्प व प्रकल्पाअंतर्गत केर गावची निवड केली आहे. या अनुषंगाने गावाच्या प्रगतीचा अहवाल जाणून घेण्यासाठी पुणे येथील विशेष टीम केर येथे दाखल झाली. आदर्शगाव संकल्प व प्रकल्पाअंतर्गत सुरु असलेली कामे याची सविस्तर माहिती त्यांनी घेऊन गावविकासात महत्वाच्या कामांना गती कशी द्यावी? याचे मार्गदर्शन ग्रामपंचायत प्रतिनिधी, आदर्शगाव समिती, संस्था प्रतिनिधी यांना केले.
ग्रुप ग्रामपंचायत केर-भेकुर्ली कार्यालयात ही विशेष बैठक झाली. यावेळी आदर्श गाव समितीचे उपसंचालक वसंत बिनवडे, जिल्हा तांत्रिक अधिकारी आप्पासाहेब पाटील, तांत्रिक अधिकारी शिंदे यांसह सरपंच रुक्मिणी नाईक, उपसरपंच तेजस देसाई, ग्रामकार्यकर्ता तुकाराम देसाई, तंटामुक्त गाव समिती अध्यक्ष गोपाळ देसाई, बचत गट सीआरपी उत्कर्षा देसाई, ग्रामपंचायत सदस्य यशवंत देसाई, ग्रामसेविका सोनिया नाईक, कृषि अधिकारी खडपकर, संजीवनी बहुउद्देशीय संस्था पदाधिकारी आदींसह ग्रामस्थ उपस्थित होते.
आदर्शगाव संकल्प व प्रकल्प समिती कृषि आयुक्तालय पुणे येथील तांत्रिक चमू गावभेटीसाठी केर येथे आदर्शगाव योजने अंतर्गत सक्रिय गावांचा प्रगती अहवाल, वितरित निधी खर्च अहवाल व खर्च करण्याचे नियोजन याकरणाच्या अनुषंगाने ही भेट होती. या चमूने आदर्श गावाचा अहवाल जाणून घेतला. त्यानंतर त्यांनी सुरु असलेल्या कामांच्या ठिकाणी स्पॉट व्हिजिट केली.