कोकण रेल्वेचे सुरक्षा विषयक चर्चासत्र

-rat९p२०.jpg-
२५N६२७६२
बेलापूर : कोकण रेल्वेतर्फे आयोजित सुरक्षा चर्चासत्रात उपस्थित कोकण रेल्वेचे व्यवस्थापकीय संचालक संतोष कुमार झा.
-----------
कोकण रेल्वेचे सुरक्षाविषयक चर्चासत्र
सकाळ वृत्तसेवा
रत्नागिरी, ता. ९ : कोकण रेल्वेच्या बेलापूर येथील कॉर्पोरेट कार्यालयात अध्यक्ष आणि व्यवस्थापकीय संचालक संतोष कुमार झा यांच्या अध्यक्षतेखाली सुरक्षा चर्चासत्राचे आयोजन करण्यात आले. या चर्चासत्रात सुरक्षित आणि कार्यक्षम रेल्वेपरिचालन राखण्यासाठी सतर्कता, वेळेवर घटनांची माहिती देणे आणि सुरक्षानियमांचे पालन करणे या महत्त्वाच्या भूमिकेवर मार्गदर्शन करण्यात आले.
या वेळी कोकण रेल्वेचे व्यवस्थापकीय संचालक संतोष कुमार झा, डायरेक्टर (ऑपरेटिंग) सुनील गुप्ता, डायरेक्टर (वर्क्स) आर. के. हेगडे व अन्य वरिष्ठ अधिकारी उपस्थित होते. सतर्कतेने काम करणाऱ्या कर्मचाऱ्यांना या वेळी सन्मानित करण्यात आले. या अंतर्गत १२ कर्मचाऱ्यांना त्यांच्या अनुकरणीय सतर्कतेबद्दल सन्मानित करण्यात आले. कर्तव्यावर असताना सुरक्षिततेशी संबंधित घटनांनंतर त्वरित उपाययोजना केल्याबद्दल त्यांना प्रमाणपत्र आणि जागेवर रोख पुरस्कार प्रदान करण्यात आला. कोकण रेल्वे नेटवर्कमध्ये नियोजित १२ सुरक्षा चर्चासत्रांच्या मालिकेतील हा पहिलाच कार्यक्रम होता. सर्व स्तरांवर सुरक्षिततेची परंपरा अधिक बंळकट करण्यासाठी बेलापूर, रत्नागिरी आणि कारवार येथे प्रत्येकी चार चर्चासत्रांचे आयोजन केले जाणार आहे.