कोटेश्वरी मानाई देवीचा आजपासून उत्सव

कोटेश्वरी मानाई देवीचा आजपासून उत्सव
खेड, ता. १० : तालुक्यातील जामगे येथील कोटेश्वरी मानाई देवीच्या उत्सवाला ११ मे पासून प्रारंभ होणार आहे. होममिनिस्टर कार्यक्रमात पैठणीसह पारितोषिकांची लयलूट करण्याची संधी प्राप्त होणार आहे. १३ मे रोजी उत्सवाची सांगता होईल.
रविवारी (ता. ११) सायंकाळी ७ वाजता ज्योती कदम यांच्या सौजन्याने चला खेळूया होममिनिस्टर कार्यक्रम होईल. यामध्ये महिलांना पैठणी व आकर्षक बक्षिसे जिंकण्याची संधी प्राप्त होणार आहे. १२ ला सकाळी ९ वा. नवचंडी यज्ञ, दुपारी १ वा. महाप्रसाद, रात्री ९ वा. महाराष्ट्र प्रदूषण नियंत्रण मंडळाचे अध्यक्ष सिद्धेश कदम यांच्या सौजन्याने ''थेट तुमच्या घरातून'' हा मनोरंजनाचा कार्यक्रम, १३ ला सकाळी १० वा. सत्यनारायणाची महापूजा, दुपारी १ वा. महाप्रसाद व भंडारा, सायंकाळी ४ वा. देवीची पालखी व मिरवणूक, रात्री ८ वा. सत्कार, ९ वा. मंगलगाणी- दंगलगाणी कार्यक्रम होईल. या वेळी शिवसेना नेते रामदास कदम, गृहराज्यमंत्री योगेश कदम, महाराष्ट्र प्रदूषण नियंत्रण मंडळाचे अध्यक्ष सिद्धेश कदम, शिवतेज आरोग्यसेवा संस्थेच्या अध्यक्षा ज्योती कदम, श्रेया कदम आदी उपस्थित राहणार आहेत.