गोव्यात घुमणार सनातन राष्ट्र शंखनाद महोत्सव

-rat१०p१५.jpg-
२५N६२८९७
रत्नागिरी : सनातन संस्थेतर्फे आयोजित पत्रकार परिषदेत माहिती देताना अभय वर्तक. डावीकडून संजय जोशी, अनंत आगाशे, अरविंद बारस्कर आणि गणेश गायकवाड.
-----------
गोव्यात सनातन राष्ट्र शंखनाद महोत्सव
अभय वर्तक ः रत्नागिरीतून १३०० हिंदू सहभाग घेणार
सकाळ वृत्तसेवा
रत्नागिरी, ता. १० : सनातन संस्थेतर्फे गोव्यात १७ ते १९ मे या कालावधीत सनातन राष्ट्र शंखनाद महोत्सव रंगणार आहे. विश्वकल्याणार्थ रामराज्यासमान सनातन राष्ट्राचा नारा घुमणार आहे. राष्ट्र आणि धर्मरक्षणासाठी समर्पित संत, महंत, हिंदुत्वाचे शिलेदार, विचारवंत, केंद्रीय मंत्री, मुख्यमंत्री दररोज ३० हजारांहून अधिक साधक या वेळी उपस्थित राहणार आहेत तसेच रत्नागिरी जिल्ह्यातून १३०० हिंदू सहभागी होणार असल्याची माहिती प्रवक्ता अभय वर्तक यांनी आज पत्रकार परिषदेत दिली.
संस्थापक सच्चिदानंद परब्रह्म डॉ. जयंत आठवले यांचा ८३वा जन्मोत्सव आणि सनातन संस्थेच्या रौप्य महोत्सवी वर्षानिमित्त याचे आयोजन केले आहे. गो, गंगा, गायत्री, मंदिरे, वेदादी धर्मग्रंथ यांना पुनर्वैभव प्राप्त करून देणाऱ्‍या ‘सनातन राष्ट्रा’चा शंखनाद करण्यासाठी हा महोत्सव आयोजित केला आहे. गोव्यात होणारा भव्य लोकोत्सव धर्म आणि अध्यात्म यांची दिव्य ज्ञानगंगा प्रवाहित करणारा ठरेल, असा विश्वास वर्तक यांनी व्यक्त केला. रत्नागिरी जिल्ह्यातून उल्हासगिरी महाराज, डॉ. अभय सहस्रबुद्धे, भगवान महाराज कोकरे, चंद्रकांत राऊळ, अॅड. विद्यानंद जोग, राकेश नलावडे आदींसह १३०० मान्यवर जाणार आहेत.
या निमित्ताने डॉ. आठवले यांचे गुरू भक्तराज महाराज (इंदूर), समर्थ रामदास स्वामी, सज्जनगडचे श्रीधरस्वामी, श्री कानिफनाथ स्वामी, टेंबेस्वामी, समर्थ शिष्य श्री कल्याणस्वामी, श्री साईबाबा, संत वेणाबाई, श्री सिद्धारूढस्वामी (हुबळी), गगनगिरी महाराज, गोंदवलेकर महाराज आदी १०हून अधिक संतांच्या पादुकांचे दर्शन घेता येईल तसेच १९ मे रोजी विश्वकल्याणार्थ महाधन्वंतरी यज्ञ होणार आहे.