तुळजाभवानी मंदिराचा आज वर्धापनदिन

तुळजाभवानी मंदिराचा
आज वर्धापनदिन
खेड ः तालुका अठरागाव रहिवासी विकास संस्थेच्या आदिशक्ती श्री तुळजाभवानी माता मंदिराच्या वर्धापनदिनानिमित्त रविवारी (ता. ११) विविध धार्मिक कार्यक्रमांचे आयोजन करण्यात आले आहे. सकाळी ८ वाजता देवीच्या मूर्तीस दुग्धाभिषेक, स्थापित देवतापूजन व होमहवन, सत्यनारायण महापूजा, आरती, सत्कार, महाप्रसाद, भजन व देवीची गाणी, सायंकाळी ७.१५ वाजता महाआरती झाल्यानंतर उत्सवाची सांगता होईल. या प्रसंगी भोसरीचे आमदार महेश लांडगे, माजी नगरसेवक सद्गुरू कदम आदी उपस्थित राहणार आहेत.
---
गुणदेमध्ये महिलांकडून
नदीची स्वच्छता
खेड ः तालुक्यातील गुणदे ग्रामपंचायतीने माझी वसुंधरा ५.० अंतर्गत विविध उपक्रम राबवताना ग्रामस्थांसह शाळा व कनिष्ठ महाविद्यालयातील विद्यार्थ्यांना सहभागी करून घेत अभियान यशस्वी करण्यावर भर देण्यात आला आहे. महिला बचतगटामार्फत नदीची स्वच्छता करत नदी परिसर चकाचक करण्यात आला. या उपक्रमात बचतगटाच्या महिलांनी मोठ्या संख्येने सहभाग नोंदवला. सरपंच रवींद्र आंब्रे, उपसरपंच रूणाली आंब्रे, ग्रामपंचायत अधिकारी आरती मोरे यांच्यासह सर्व ग्रामपंचायत सदस्यांच्या मार्गदर्शनाखाली ही मोहीम राबवली. नदीपात्रात वाढलेली झाडीझुडपेही तोडण्यात आली. यामुळे मुबलक पाणीसाठा होण्यास मदत होणार आहे.