अनुलोमतर्फे फरीद तांडेल यांचा सन्मान

- rat११p३.jpg-
२५N६३०२२
पावस ः सुमद्रात बुडणाऱ्या १६ तरूणांना वाचविण्यात मदत करणाऱ्या फरीद तांडेल यांचा अनुलोमतर्फे सन्मान करण्यात आला.
----
‘अनुलोम’तर्फे फरीद तांडेल यांचा सन्मान
सकाळ वृत्तसेवा
पावस, ता. ११ ः रनपार येथील समुद्रात काही दिवसांपूर्वी घडलेल्या नौका दुर्घटनेतील सोळा युवकांना समुद्रातून वाचविणाऱ्या गोळप मोहल्ला येथील फरीद तांडेल यांचा अनुलोम प्रेरित जनसेवा सामाजिक मंडळातर्फे शाल, श्रीफळ, भेटवस्तू, झाड देऊन सन्मान करण्यात आला.
गोळप येथे झालेल्या कार्यक्रमात मार्गदर्शन करताना अविनाश काळे यांनी जनसेवा सामाजिक मंडळाच्या विविध उपक्रमांची माहिती दिली. तसेच धाडस दाखवून सोळा जणांचे प्राण वाचविणाऱ्या फरीद तांडेल यांचे कौतुक केले. फरीद यांचे शौर्य, प्रसंगावधान प्रेरणादायी आणि गोळप वासियांना अभिमानास्पद आहे असे सांगून त्यांचे अभिनंदन केले. ज्येष्ठ कार्यकर्ते हनीफ शेठ मुल्ला यांनी सुद्धा फरीद यांचे कौतुक करताना समुद्रात बुडणाऱ्याला वाचवणे कठीण असते. कारण बुडणारा माणूस आपल्याला घट्ट धरून ठेवतो. अशा कठीण प्रसंगात फरीद यांचे धाडस खूप मोठे आहे. तसेच समाजामध्ये कोणत्याही अपघाती प्रसंगात प्रत्येकाने आपल्याला जमेल ते योगदान दिले पाहिजे असेही त्यांनी सांगितले.
याप्रसंगी अनुलोम कोकण विभाग प्रमुख रविंद्र भोवड, जनसेवा मंडळाचे अध्यक्ष आणि ग्रामपंचायत सदस्य अॅड. अविनाश काळे, सचिव समित घुडे, महेश पालकर, ग्रामपंचायत सदस्य फैजान मसुरमुल्ला, हनीफशेठ मुल्ला, मच्छीमार सोसायटी प्रमुख फकीरशेठ पांढरे, मजीद पावसकर, फजल तांडेल, असगर पावसकर तसेच ग्रामस्थ उपस्थित होते.