संक्षिप्त-निवृत्त कर्मचारी संघाची सावंतवाडीत उद्या सभा

निवृत्त कर्मचारी संघाची
सावंतवाडीत उद्या सभा
सावंतवाडीः सावंतवाडी-दोडामार्ग तालुका निवृत्त कर्मचारी संघ, सावंतवाडी यांची मासिक सभा १३ मे रोजी सकाळी १०.३० वाजता संघटनेच्या सावंतवाडी सालईवाडा येथील कार्यालयात होणार आहे. सर्व सदस्य, संचालक मंडळ, कार्यकारी अधिकार्‍यांनी उपस्थितीत राहण्याचे आवाहन सचिव संभाजी कांबळे व अध्यक्ष पणदूरकर यांनी केले आहे.
........................
गोळवणला गुरुवारी
कुंभादेवी वर्धापन
मसुरेः मालवण तालुक्यातील गोळवण-कुंभादेवीवाडी चिरमुले कुटुंबाचे आराध्य दैवत श्री देवी आई कुंभादेवी मंदिराचा नववा वर्धापन दिन सोहळा १५ मे रोजी धार्मिक व सांस्कृतिक कार्यक्रम आयोजित करण्यात आले आहेत. यानिमित्त सकाळी ८ वाजता अभिषेक, सकाळी ११ वाजता सत्यनारायण महापूजा, आरती, दुपारी १ वाजता तीर्थप्रसाद व महाप्रसाद, सायंकाळी ७ वाजता भजने असे कार्यक्रम होणार आहेत.
...................
रेडी येथे बुधवारी
धार्मिक कार्यक्रम
सावंतवाडीः रेडी-बोंबडोजीचीवाडी येथील सच्चिदानंद सदगुरू श्री साईबाबा मंदिराचा वर्धापन दिन सोहळा बुधवारी (ता. १४) होणार आहे. त्यानिमित्त सकाळी अभिषेक, दुपारी १२ वाजता आरती, १२.३० वाजता साई भंडारा, सायंकाळी ७ वाजता आरती होणार आहेत.
........................
तनीषा सातार्डेकरचे
जीटीएस परीक्षेत यश
वेंगुर्लेः वेंगुर्लेची सुकन्या व सिंधुदुर्ग विद्यानिकेतन इंग्लिश मीडियम स्कूल, वेंगुर्ले शाळेची विद्यार्थिनी तनीषा सातार्डेकर हिने २०२४-२५ या वर्षामध्ये गुरुकुल एज्युकेशन सोसायटी, कोल्हापूर यांच्यामार्फत घेण्यात येणाऱ्या जीटीएस परीक्षेमध्ये सिंधुदुर्ग जिल्ह्यात प्रथम व महाराष्ट्र राज्यात सातवा क्रमांक पटकावला. शाळा प्रशासनाकडून तसेच सर्वस्तरातून तिचे कौतुक होत आहे. गुरुकुल एज्युकेशन सोसायटी, कोल्हापूर यांच्यामार्फत दरवर्षी गुरुकुल टॅलेंट सर्च परीक्षा संपूर्ण महाराष्ट्रात घेण्यात येते. तनिषाच्या या यशामध्ये सिंधुदुर्ग विद्यानिकेतन इंग्लिश मीडियम स्कूल, वेंगुर्लेमधील सर्वच शिक्षकांचे तिला मार्गदर्शन लाभले.
.....................
मालवण येथे उद्या
सांस्कृतिक कार्यक्रम
मालवणः मालवण-आडारीवाडी येथील जागृत देवस्थान महापुरुष मंदिराचा २० वा वर्धापन दिन मंगळवारी (ता. १३) साजरा होत आहे. यानिमित्त मंदिरात सकाळी श्री देव महापुरुषची विधीवत पूजा, १० वाजता सत्यनारायण पूजा, दुपारी १ ते ३ वाजता महाप्रसाद, सायंकाळी ५ ते रात्री ९ वाजेपर्यंत सुश्राव्य भजने, रात्री १० वाजता सांस्कृतिक कार्यक्रम होणार आहेत. भाविकांनी याचा लाभ घ्यावा, असे आवाहन केले आहे.
......................