महाआरोग्य शिबिराला सावंतवाडीत प्रतिसाद

swt1113.jpg
63063
सावंतवाडीः ऑन कॉल रक्तदाता संघटनेच्या रक्तदान शिबिर प्रसंगी उपस्थित मान्यवर.

महाआरोग्य शिबिराला
सावंतवाडीत प्रतिसाद
सकाळ वृत्तसेवा
सावंतवाडी, ता. ११ः येथील काझी शहाबुद्दीन सभागृहात ऑन कॉल रक्तदाता संस्था आणि गोवा येथील सार्थक फाउंडेशन यांच्या संयुक्त विद्यमाने आयोजित करण्यात आलेल्या महाआरोग्य शिबिराला नागरिकांचा उत्स्फूर्त प्रतिसाद लाभला. या शिबिराचे उद्घाटन सावंतवाडी संस्थानचे युवराज लखमराजे-भोसले यांच्या हस्ते करण्यात आले. यावेळी व्यासपीठावर प्रमुख पाहुणे म्हणून सावंतवाडी नगरपालिकेच्या मुख्याधिकारी अश्विनी पाटील उपस्थित होत्या.
कार्यक्रमाच्या अध्यक्षस्थानी ऑन कॉल रक्तदाता संस्थेचे जिल्हाध्यक्ष दयानंद गवस, सार्थक फाउंडेशनचे संयोजक सुदेश नार्वेकर, गोवा येथील जेसीआय फाउंडेशनचे सचिव सुधीर लोटलीकर, सकल मराठा समाजाचे जिल्हाध्यक्ष सीताराम गावडे, महिला पोलिस अधिकारी माधुरी मुदलीक, विश्व हिंदू परिषद गोरक्षक जिल्हाध्यक्ष दिनेश गावडे, मल्हार सम्राट प्रतिष्ठान सिंधुदुर्गचे ललित हरमलकर, दुर्गा सरनाईक, बाबली गवंडे, मीनल सावंत, सिद्धार्थ पराडकर, बाळकृष्ण राऊळ, सचिन कोंडी, जितेंद्र पंडित, रवींद्र तावडे आदी उपस्थित होते.