संगमेश्वर-कसबा येथे १४ रोजी चित्रकला स्पर्धा

कसबा येथे १४ रोजी चित्रकला स्पर्धा
संभाजी महाराज स्मारक समिती; खुल्या गटासाठी स्पर्धा
सकाळ वृत्तसेवा
संगमेश्वर, ता. १२ः स्वराज्य रक्षक धर्मवीर छत्रपती संभाजी महाराज स्मारक समितीतर्फे छत्रपती संभाजी महाराज यांच्या जयंतीनिमित्त रत्नागिरी जिल्हा मर्यादित चित्रकला स्पर्धा १४ मे रोजी कसबा येथे आयोजित केली आहे. ही स्पर्धा खुल्या गटासाठी आहे.
धर्मवीर छत्रपती संभाजी महाराजांच्या जीवनावर आधारित महत्वाचे प्रसंग या विषयावर चित्रकला स्पर्धा आयोजित केली गेली आहे. १४ रोजी सकाळी ८.३० ते दुपारी १ वाजेपर्यंत ठेवली आहे. ही स्पर्धा खुल्या गटासाठी असून, कोणत्याही माध्यमांमध्ये चित्रकार चित्र काढू शकतो. स्पर्धेसाठी आवश्यक पेपर, कॅन्व्हास स्पर्धकाने स्वतः घेऊन येणे आवश्यक आहे तसेच इतर आवश्यक साहित्य स्वतः स्पर्धकाने घेऊन येणे. स्पर्धकांनी चित्रित केलेली सर्व चित्रे समितीकडे राहतील.
स्पर्धकाने चित्रित केलेले चित्र कॉपी असू नये तसेच या विषयावरील चित्र दिलेल्या ठिकाणी जाऊन चित्रित करावयाचे आहे. या स्पर्धेतील विजेत्यांसाठी बक्षिसेही ठेवण्यात आली आहेत. प्रथम क्रमांकासाठी २५ हजार रुपये रोख, द्वितीय २० हजार रुपये, तृतीय १५ हजार रुपये, उत्तेजनार्थ ५ हजार रुपये तसेच सन्मानचिन्ह व प्रशस्तीपत्रक दिले जाणार आहे. या स्पर्धेत सहभागींसाठी नाष्टा व जेवण आयोजकांच्यावतीने दिले जाणार आहे. या स्पर्धेचे ठिकाण संगमेश्वर येथील कर्णेश्वर मंदिर परिसर, धर्मवीर छत्रपती संभाजी महाराज स्मारक परिसर कसबा येथे ठेवले आहे.