महिलांच्या प्रश्नांवर आवाज उठवा

63199

महिलांच्या प्रश्नांवर आवाज उठवा
सुषमा अंधारेः कुडाळ, मालवणात ठाकरे शिवसेनेच्या बैठका
सकाळ वृत्तसेवा
कुडाळ, ता. १२ः महिला पदाधिकाऱ्यांनी गावागावांत फिरून महिलांच्या समस्या सोडवाव्यात. महिलांच्या प्रश्नांवर आवाज उठवून संघटनावाढीसाठी मेहनत घ्यावी, असे आवाहन ठाकरे शिवसेनेच्या उपनेत्या सुषमा अंधारे यांनी महिला पदाधिकाऱ्यांच्या बैठकांत केले.
सिंधुदुर्ग जिल्ह्यात कुडाळ व मालवण शिवसेना महिला आघाडीच्या वतीने शाल, श्रीफळ, पुष्पगुच्छ देऊन श्रीमती अंधारे यांचे स्वागत करण्यात आले. कुडाळ शिवसेना महिला आघाडीच्या पदाधिकाऱ्यांची कुडाळ एमआयडीसी विश्रामगृह सभागृहात तर मालवण महिला आघाडी पदाधिकाऱ्यांची लीलांजली हॉल येथे सुषमा अंधारे यांनी बैठक घेत महिला संघटनेचा आढावा घेतला. यावेळी माजी आमदार वैभव नाईक, जिल्हाप्रमुख बाबुराव धुरी यांची प्रमुख उपस्थिती होती.
कुडाळ येथे महिला जिल्हाप्रमुख श्रेया परब, कुडाळ तालुकासंघटक बबन बोभाटे, उपतालुकाप्रमुख कृष्णा धुरी, शिवसेना नेते अतुल बंगे, अमित राणे, महिला तालुकाप्रमुख स्नेहा दळवी, शहरप्रमुख मेघा सुकी, जान्हवी पालव, स्नेहा परब, संजना सावंत, अस्मिता गावडे आदी होत्या.
मालवण येथे माजी जिल्हाप्रमुख भाई गोवेकर, माजी नगरसेवक नितीन वाळके, शहरप्रमुख बाबी जोगी, महिला तालुका समन्वयक पूनम चव्हाण, तालुका संघटक दीपा शिंदे, युवतीसेना जिल्हाप्रमुख निनाक्षी शिंदे, पेंडूर विभाग संघटक लता खोत, उपतालुका संघटक पूजा तोंडवळकर, युवती सेना तालुका संघटक भाग्यश्री लाकडे, माजी नगरसेविका तृप्ती मयेकर, नीना मुंबरकर, लक्ष्मी पेडणेकर, विद्या फर्नांडीस, सौरभी अमरे, लक्ष्मी माणगावकर आदी उपस्थित होते.