वायरी येथे १५ पासून ‘महारुद्र स्वाहाकार’

63230

वायरी येथे १५ पासून
‘महारुद्र स्वाहाकार’
मालवण : परमपूज्य श्री सद्गुरू सदानंद माऊली महाराज मालवणतर्फे श्री क्षेत्र दत्त मंदिर वायरी बांध येथे १५ व १६ मे रोजी महारुद्र स्वाहाकार संप्रदाय प्रमुख कार्यकारी विश्वस्त विलास (बापूजी) झाड यांच्या उपस्थितीत होणार आहे. गुरुवारी (ता. १५) सकाळी ७ वाजता प्रायश्चित्त व गोप्रदान, श्रीगणेश पूजन, पुण्याहवाचन, नांदी श्राद्ध, आचार्यवर्ण, मुख्य देवता स्थापना, महारुद्र स्वाहाकार आवर्तने, अग्निस्थापना, नवग्रह होम, दुपारी २ वाजता महाप्रसाद, रात्री ८ वाजता सांप्रदायिक भजन आदी कार्यक्रम होणार आहेत. शुक्रवारी (ता. १६) सकाळी ८ वाजता स्थापित देवता पूजन, महारुद्र स्वाहाकारचे हवन, समुद्र पूजन, बलिदान, पूर्णाहूती, महारुद्र स्वाहाकार सांगता, दुपारी २ वाजता महाप्रसाद, रात्री ८ वाजता सांप्रदायिक भजन असे कार्यक्रम होणार आहेत. सर्वांनी उपस्थित राहून श्रींच्या दर्शनाचा आणि महाप्रसादाचा लाभ घ्यावा, असे आवाहन संप्रदायातर्फे कार्याध्यक्ष कृष्णा बांदेकर यांनी केले आहे.
...................
63231

गोळवणला गुरुवारी
धार्मिक कार्यक्रम
मालवण : गोळवण-चिरमुलेवाडी येथील श्री देवी आई कुंभादेवी मंदिराचा ९ वा वर्धापन दिन सोहळा गुरुवारी (ता. १५) साजरा होणार आहे. यानिमित्त धार्मिक व सांस्कृतिक कार्यक्रम आयोजित केले आहेत. सकाळी ८ वाजता अभिषेक, ११ वाजता श्री सत्यनारायण महापूजा, आरती, दुपारी १ वाजता तीर्थप्रसाद व महाप्रसाद, सायंकाळी ७ वाजता भजने असे कार्यक्रम आयोजित केले आहेत. सर्व भाविक भक्तांनी याचा लाभ घेण्याचे आवाहन चिरमुले परिवारातर्फे करण्यात आले आहे.