संगमेश्वर - साटलेवाडीत गुणवंत विद्यार्थ्यांचा गुणगौरव

rat12p26.jpg
63292
संगमेश्वर : साटलेवाडी समाजसेवा मंडळाच्यावतीने गुणवंत विद्यार्थ्यांना गौरवताना मान्यवर.

गुणवंत विद्यार्थ्यांचा
साटलेवाडीत गौरव
संगमेश्वर, ता. १३ : साटलेवाडी समाजसेवा मंडळाच्यावतीने विविध क्षेत्रांतील उल्लेखनीय कामगिरी करणाऱ्यांचा गुणगौरव व सत्कार करण्यात आला. शैक्षणिक व क्रीडा स्पर्धा स्वरा आमकर - वक्तृत्व स्पर्धा, ओंकार साटले प्रभागस्तरीय क्रीडा स्पर्धेत धावणे व लांब उडीमध्ये द्वितीय, आदिती साटले - तालुकास्तरीय क्रीडा स्पर्धेत गोळाफेक व थाळीफेकमध्ये तृतीय, प्रभास लिंगायत - समृद्धी प्रज्ञाशोध परीक्षेत राज्यात प्रथम (कोल्हापूर), प्रांजळ लिंगायत - समृद्धी प्रज्ञाशोध परीक्षेत कोल्हापूर केंद्रात द्वितीय, ऋतिक आमकर - इ. बारावीच्या मार्च २०२५ च्या परीक्षेत ७६.६८ टक्के गुण मिळवून ज्युनिअर कसबा ज्युनिअर कॉलेजमध्ये आर्टस् शाखेत प्रथम, आर्य साटले याने दहावीच्या मार्च २०२४ च्या परीक्षेत ९० टक्के गुण मिळविले.
आध्यात्मिक व सामाजिक : मनाली आमकर, अनुष्का साटले व स्नेहल गोरे, स्वाती आमकर व तुकाराम गोरे यांच्या मार्गदर्शनाखाली उत्कृष्ट हरिपाठ वाचन व सादरीकरण, समस्त महिला वर्गामधून दोन महिला प्रतिनिधी, टिपरी नृत्यकलेमधून जमा केलेल्या मानधनातून समाजाला गॅस कनेक्शन दिले. सौरभ आंब्रे - महाराष्ट्र गृहरक्षक दल (होमगार्ड) मध्ये निवड. शुभम साटम - सीए इंटरपरीक्षा उत्तीर्ण, ऋतुजा महाडिक - मँगो इंटरनॅशनल कॉम्पिटिशनमध्ये टॉपर, दिलीप साटले वकिली सेवेत रुजू झाल्याबद्दल, अंकुश साटले व अक्षता साटले - शासकीय शिक्षणसेवेत रुजू झाल्याबद्दल मान्यवरांच्या हस्ते गौरविण्यात आले.