करंजे निवासी विद्यालय दिव्यांगांसाठी प्रवेश प्रक्रिया सुरु

करंजे निवासी विद्यालय
दिव्यांगांसाठी प्रवेश प्रक्रिया सुरु
कणकवली, ता. १३ः तांबे एज्युकेशन सोसायटी संचलित राजर्षी छत्रपती शाहू महाराज मतिमंद निवासी विद्यालय करंजे या विशेष विद्यालयात वयोगट ६ ते १८ वर्षे पर्यतच्या दिव्यांग विद्यार्थ्यांना प्रवेश देण्याची प्रक्रिया सुरु आहे. दिव्यांग मुलांना शालेय प्रशिक्षण देताना भाषा, संख्याज्ञान, सामाजिक कौशल्य, स्वावलंबन कौशल्य, संवेदना, गृहकौशल्य, चित्रकला, हस्त-कला, कवायत, योगासने, गायन, जीवन शिक्षण, व्यवसाय मार्गदर्शन केले जाते. तसेच भाजी लागवड, आनापान साधनावर्ग याच बरोबर मुलांचे गैरवर्तन कमी करण्यासाठी प्रयत्न केले जातात. यातूनच दिव्यांग विद्यार्थी शैक्षणिक रित्या संस्कारक्षम होत असतात. वर्षभरातील सर्व उपक्रम राबविले जातात. प्रशालेतील मुलांना राहणे, जेवणसह प्रवेश मोफत दिला जातो, तसेच मोफत आरोग्य शिबिरही दर दीन माहिन्यांनी आयोजित केले जाते. आपल्या पाल्यांचा प्रवेश निश्चित करा, असे आवाहन मुख्यापिका रश्मी सोगम यांनी केले आहे.