कोमसापचे ''मिरगवणी संमेलन'' यावर्षी निसर्गरम्य आंबोलीत

swt131.jpg
63419
सावंतवाडीः ‘कोमसाप’च्या सभेस उपस्थित अॅड. संतोष सावंत व इतर.

कोमसापचे ‘मिरगवणी संमेलन’
यावर्षी निसर्गरम्य आंबोलीत
अॅड. सावंतः सावंतवाडीत सभेत निर्णय
सकाळ वृत्तसेवा
सावंतवाडी, ता. १३ ः कोकण मराठी साहित्य परिषद शाखा सावंतवाडीच्या वतीने आयोजित करण्यात येणारे ‘मिरगवणी संमेलन’ यावर्षी निसर्गरम्य आंबोली येथे होणार आहे, अशी माहिती शाखेचे तालुकाध्यक्ष अॅड. संतोष सावंत यांनी दिली. आज शासकीय विश्रामगृह सावंतवाडी येथे झालेल्या ‘कोमसाप’च्या मासिक सभेत याबाबतचा निर्णय घेण्यात आला.
या बैठकीत नुकत्याच झालेल्या जिल्हा साहित्य संमेलनाच्या यशस्वीतेसाठी योगदान देणाऱ्या सर्वांचे आभार मानण्यात आले. त्यानंतर पावसाळ्याच्या सुंदर वातावरणाचा अनुभव घेता यावा, यासाठी यंदाचे मिरगवणी संमेलन आंबोलीत आयोजित करण्याचा निर्णय सर्वानुमते घेण्यात आला. या संमेलनाची तारीख आणि ठिकाण लवकरच जाहीर केले जाईल, असे अध्यक्ष अॅड. सावंत यांनी स्पष्ट केले. मासिक सभेच्या सुरुवातीला पहलगाम येथील दहशतवादी हल्ल्यातील शहीद जवानांना आणि ‘ऑपरेशन सिंदूर’मध्ये वीरगती प्राप्त झालेल्या वीरांना श्रद्धांजली अर्पण करण्यात आली. कोमसापचे ज्येष्ठ सदस्य डॉ. श्रीपाद कशाळीकर यांच्या निधनाबद्दल शोक व्यक्त करत त्यांना आदरांजली वाहिली.