माडखोलच्या ठाकरे गट कार्यकर्त्यांचा सावंतवाडीत शिंदे शिवसेनेमध्ये प्रवेश

swt135.jpg
63422
माडखोलः ठाकरे गटाच्या कार्यकर्त्यांनी आमदार दीपक केसरकर, संजू परब यांच्या उपस्थितीत शिवसेनेत प्रवेश केला.

माडखोलच्या ठाकरे गट कार्यकर्त्यांचा
सावंतवाडीत शिंदे शिवसेनेमध्ये प्रवेश
सकाळ वृत्तसेवा
सावंतवाडी, ता. १३ः माडखोल जिल्हा परिषद मतदारसंघात ठाकरे गटाला मोठा धक्का बसला आहे. ठाकरे गटाच्या अनेक प्रमुख पदाधिकाऱ्यांसह कार्यकर्त्यांनी शिवसेना आमदार व माजी मंत्री दीपक केसरकर आणि शिवसेना जिल्हाप्रमुख संजू परब यांच्या उपस्थितीत शिवसेनेत प्रवेश केला. या पक्षप्रवेशामुळे सावंतवाडी तालुक्यातील शिवसेनेची ताकद आणखी वाढल्याचे बोलले जात आहे.
यावेळी शिवसेना तालुकाप्रमुख नारायण उर्फ बबन राणे, दोडामार्ग तालुका प्रमुख गणेशप्रसाद गवस, जिल्हा समन्वयक सचिन वालावलकर, महिला जिल्हाप्रमुख नीता सावंत-कविटकर, उपतालुकाप्रमुख जीवन लाड, माजी जिल्हाप्रमुख अशोक दळवी, सूरज परब, विभाग प्रमुख संजीव पालकर आदी उपस्थित होते.
शिवसेनेत प्रवेश करणाऱ्यांमध्ये ठाकरे गटाच्या सांगेली माजी सरपंच रमाकांत राऊळ, माजी सरपंच सुवर्णा राऊळ, माजी ग्रामपंचायत सदस्य दीपक सांगेलकर, प्रकाश राऊळ, वासू होडावडेकर, विकास राऊळ, रोशन राऊळ, सुरेश राऊळ, भाग्यश्री राऊळ, बाबुराव राऊळ, संजय देसाई, संजय राऊळ, राजन सांगेलकर, सुभाष राऊळ यांच्यासह अनेक कार्यकर्त्यांचा समावेश आहे. या पक्षप्रवेशाने माडखोल परिसरातील राजकीय समीकरणात बदल होण्याची शक्यता वर्तवली जात आहे. पक्षप्रवेश केलेल्या सर्व कार्यकर्त्यांचे आमदार केसरकर व जिल्हाप्रमुख परब यांनी स्वागत केले.