''गुणवंत अधिकारी'' पुरस्कार विशाल तनपुरे यांना जाहीर

swt136.jpg
63424
विशाल तनपुरे

‘गुणवंत अधिकारी’ पुरस्कार
विशाल तनपुरे यांना जाहीर
सकाळ वृत्तसेवा
ओरोस, ता. १३ः सिंधुदुर्ग जिल्हा परिषद ग्रामपंचायत उपमुख्य कार्यकारी अधिकारी विशाल तनपुरे यांना शासनाच्या वतीने ‘गुणवंत अधिकारी’ पुरस्काराने सन्मानित करण्यात येणार आहे. उत्कृष्ट सेवा कार्याची दखल घेत त्यांची या पुरस्कारासाठी निवड झाली आहे.
मुंबई येथे २७ मे रोजी राज्यपालांच्या हस्ते पुरस्काराचे वितरण होणार आहे. ग्रामविकास विभागांतर्गत राज्य शासनाच्या तसेच केंद्र पुरस्कृत अनेक योजना व प्रकल्प प्रभावीपणे राबविताना प्रशासकीय तसेच तांत्रिक कौशल्य पणाला लावणाऱ्या काही निवडक अधिकारी व कर्मचाऱ्यांना शासनाच्या वतीने गुणवंत पुरस्काराने गौरविण्यात येते. त्यानुसार २०२३-२४ चा गुणवंत अधिकारी पुरस्कार तनपुरे यांना घोषित झाला आहे. याबाबत ग्रामविकास मंत्रालयाने परिपत्रक जारी केले आहे.
तनपुरे यांना जिल्ह्यातील भजनी मंडळांना भजनी साहित्य संच पुरविण्याची योजना प्रभावीपणे राबविली. तसेच सिंधुरत्न समृद्ध योजनेच्या माध्यमातून जिल्ह्यातील पर्यटनाला चालना, स्थानिक गणपतीमूर्ती कारागिरांना प्रोत्साहन व पारंपरिक दशावतार मंडळांचे सक्षमीकरणासाठी विविध विशेष योजनांची अंमलबजावणी करण्यात येत आहे. या उत्कृष्ट सेवाकार्याबद्दल त्यांना गुणवंत अधिकारी पुरस्कार प्रदान करण्यात येणार आहे.