झरेबांबर येथे आज शंभुराजे जन्मोत्सव

swt1316.jpg
63461
झरेबांबर तिठा ः येथे उभारण्यात आलेले छत्रपती संभाजी महाराज यांचे स्मारक.

झरेबांबर येथे आज शंभुराजे जन्मोत्सव
सकाळ वृत्तसेवा
दोडामार्ग, ता. १३ : हिंदवी स्वराज्य रक्षक धर्मवीर छत्रपती संभाजी महाराजांचे सिंधुदुर्ग जिल्ह्यातील पहिले स्मारक झरेबांबर तिठा येथे उभारले आहे. त्या स्मारकाच्या ठिकाणी उद्या (ता. १४) छत्रपती संभाजी महाराजांचा जन्मोत्सव साजरा करण्यात येणार आहे. यानिमित्त विविध कार्यक्रमांचे आयोजन केले आहे. या सोहळ्यास शिवशंभू पायिकांनी उपस्थित राहण्याचे आवाहन केले आहे.
उद्या (ता. १४) पहाटे किल्ले पारगडवरून शिवज्योत मोर्ले मार्गे झरेबांबर येथील स्मारकाकडे आणण्यात येणार आहे. त्यानंतर शिवज्योतीचे पूजन, ९ वाजता छत्रपती संभाजी महाराजांच्या स्मारकाचे पूजन व पुष्पहार अर्पण, १० वाजता दोडामार्ग ते कोनाळकट्टा अशी दुचाकी व मोटार रॅली काढण्यात येणारा आहे. या रॅलीची सांगता महाराजांच्या स्मारकाकडे येऊन होणार आहे. या रॅलीत तालुक्यातील सर्व शिवपायिकांनी सहभागी होण्याचे आवाहन केले आहे. रात्री ९ वाजता छत्रपती शिवाजी महाराज व छत्रपती संभाजी महाराज यांच्या जीवनावर आधारित शिवप्रतिष्ठान हिंदुस्थान व शिवशंभो पाईक आयोजित, दुर्वांकुर प्रोडक्शन दोडामार्ग निर्मित, प्रा. वसंत कानेटकर लिखित व गणेश ठाकूर दिग्दर्शित नाट्यकृती ‘रायगडाला जेव्हा जाग येते’ होणार आहे. शिवप्रेमींनी या कार्यक्रमास उपस्थित राहावे, असे आवाहन करण्यात आले आहे.