रेडी येथे उद्यापासून वर्धापनदिन सोहळा

रेडी येथे उद्यापासून
वर्धापनदिन सोहळा
वेंगुर्ले ः रेडी-म्हारतळेवाडी येथील श्री देव ब्राह्मण, बांदवा मंदिराचा वर्धापन दिन सोहळा १५ व १६ ला धार्मिक व सांस्कृतिक कार्यक्रमांनी साजरा होणार आहे. यानिमित्त मंदिरात गुरुवारी (ता.१५) सकाळी ९ ते १२ या वेळेत लघुरुद्राभिषेक, दुपारी १२ ते १२.३० महाआरती, दुपारी १२ ते ३ या वेळेत महाप्रसाद, सायंकाळी ५.३० वाजता भजने, रात्री १०.३० वाजता भजन व देवाचा कौल. १६ ला सकाळी १० वाजता सत्यनारायण महापूजा, दुपारी १२.३० वाजता महाआरती व तीर्थप्रसाद, सायंकाळी ४ वाजता हळदीकुंकू समारंभ, सायंकाळी ५.३० वाजता भजने, रात्री ७.३० वाजता नाईक-मोचेमाडकर दशावतार नाट्यमंडळाचा नाट्यप्रयोग होणार आहे. याचा लाभ घ्यावा, असे आवाहन आयोजकांनी केले आहे.
-------
माजगावात उद्या
शुद्धीकरण सोहळा
सावंतवाडी ः माजगाव म्हालटकरवाडा देवघर येथील देवघराचे नूतनीकरणानिमित्त गुरुवारी (ता. १५) शुद्धीकरण सोहळा व श्री सत्यनारायण पूजेचे आयोजन केले आहे. सकाळी ८ वाजल्यापासून अभिषेक, लघुरुद्र, धार्मिक कार्यक्रम, दुपारी आरती, तीर्थप्रसाद, महाप्रसाद व सायंकाळी ७ वाजता वालावलकर दशावतार नाट्यमंडळाचा नाट्यप्रयोग होणार आहे. सर्व भाविकांनी या कार्यक्रमात उपस्थित राहून कार्यक्रमाची शोभा वाढवावी, असे आवाहन म्हालटकरवाडा सावंत वंश बांधव आणि ग्रामस्थांनी केले आहे.
....................
वायंगवडेत आज
जयंती उत्सव
कणकवली ः वायंगवडे बौद्ध समाज संघ, मुंबई व गाव शाखातर्फे उद्या (ता.१४) डॉ. बाबासाहेब आंबेडकर, गौतम बुद्ध, छत्रपती शिवाजी महाराज, महात्मा ज्योतीराव फुले, क्रांतीज्योती सावित्रीबाई फुले, कोल्हापूर संस्थानचे शाहू महाराज या सर्वांची संयुक्त जयंती मंडळामार्फत साजरी करण्यात येणार आहे. यानिमित्त पंचशील ध्वजवंदन, बुद्धपूजा, दुपारी महिलांचे कार्यक्रम, फनी गेम्स, रात्री ८ वाजता अभिवादन सभा व त्यानंतर रात्री ९.३० ते १२ वाजता भीमगौरव सोहळा, सांस्कृतिक कार्यक्रम, वराड-मालवण येथील कलापथकाचा कार्यक्रम आयोजित केला आहे. उपस्थित राहवे, असे आवाहन स्थानिक शाखेचे अध्यक्ष के. स. जाधव यांनी केले आहे.
---------------
वेंगुर्ले वाचनालयाची
२५ ला वार्षिक सभा
वेंगुर्ले ः येथील नगर वाचनालयाची वार्षिक सभा रविवारी (ता.२५) सायंकाळी ५ वाजता नगरवाचनालयाच्या लक्ष्मीबाई कोरगावकर सभागृहात होणार आहे. सभासदांनी उपस्थित राहवे, असे आवाहन अध्यक्ष अॅड. सूर्यकांत प्रभूखानोलकर व कार्यवाह कैवल्य पवार यांनी केले आहे.