पिंगुळी येथे आजपासून विविध धार्मिक कार्यक्रम

swt1419.jpg
63752
राऊळ महाराज, अण्णा महाराज

पिंगुळी येथे आजपासून
विविध धार्मिक कार्यक्रम
सकाळ वृत्तसेवा
कुडाळ, ता. १४ः पिंगुळी येथील सद्गुरू समर्थ विनायक (अण्णा) राऊळ महाराज यांचा चौथा पुण्यतिथी सोहळा उद्या (ता. १५) व शुक्रवार (ता. १६) कालावधीत साजरा करण्यात येणार आहे. यानिमित्त धार्मिक, सामाजिक, सांस्कृतिक आणि आरोग्यविषयक असे विविध कार्यक्रमांचे आयोजन केले आहे.
उद्या पहाटे ५.३० वाजता काकड आरतीने कार्यक्रमास प्रारंभ होणार आहे. त्यानंतर समाधी पूजन, अभिषेक, दुपारी महाआरती, १ ते ३ महाप्रसाद, सायंकाळी ४ नंतर भजन आणि गायन कार्यक्रम, सायंकाळी सांजआरती, रात्री ८ ते ९ महाप्रसाद आणि कीर्तन होणार आहेत. शुक्रवारी (ता. १६) पहाटे ५.३० वाजता काकड आरती, समाधी पूजन, अभिषेक, विनायक (अण्णा) राऊळ महाराज समाधी स्थानी नामस्मरण आणि पूजन, दुपारी १२ वाजता कर्णबधिरांना विनामूल्य कर्णयंत्राचे वितरण, अपंगांना कृत्रिम जयपूर फूटचे वितरण, कर्करोगग्रस्त १५० रुग्णांना जीवनावश्यक साहित्याचे वितरण, दुपारी १ वाजता महाप्रसाद, गायन, भजन, दिंडीचे आगमन, शास्त्रीय गायन, सांजआरती, भजन, रात्री ९ वाजता राधानृत्य असे कार्यक्रम होणार आहेत. सोहळ्याच्या निमित्ताने समाधी मंदिरात फुलांची आकर्षक सजावट करण्यात येणार आहे. या सोहळ्याचा सर्वांनी लाभ घ्यावा, असे आवाहन श्री विनायक (अण्णा) राऊळ महाराज चॅरिटेबल ट्रस्ट, पिंगुळीच्या अध्यक्षा संगीता (बाईमा) राऊळ आणि सद्गुरू राऊळ महाराज संस्थान, श्री क्षेत्र पिंगुळी आणि विश्वस्त मंडळ यांनी केले आहे.