-सोलगाव शाळेतील विद्यार्थ्यांनी अनुभवले कोल्हापूर

-rat१४p१४.jpg-
२५N६३६९९
राजापूर ः कोल्हापूर दर्शन सहल अनुभवताना सोलगाव शाळेचे विद्यार्थी.
------
सोलगाव शाळेतील विद्यार्थ्यांनी अनुभवले कोल्हापूर
सकाळ वृत्तसेवा
राजापूर, ता. १४ ः वैद्यकीय पेशामुळे सध्या अमेरिकेमध्ये असलेले शरयू लेले, डॉ. सुबोध लेले आणि कुटुंबीयाने सामाजिक बांधिलकीतून केलेल्या सहकार्यातून तालुक्यातील सोलगाव येथील जिल्हा परिषद पूर्ण प्राथमिक आदर्श शाळा सोलगाव नं. २ मधील विद्यार्थ्यांनी नुकताच कोल्हापूर दर्शनसहलीचा आनंद लुटला. या वेळी छत्रपती शाहू महाराजांच्या पदस्पर्शाने पावन असलेला न्यू पॅलेसला भेट देऊन तेथील शस्त्रागाराची माहितीही विद्यार्थ्यांनी घेतली. वैद्यकीय पेशामुळे सध्या अमेरिकेमध्ये असलेले शरयू लेले, डॉ. सुबोध लेले आणि कुटुंबीयाकडून नेहमीच विविध माध्यमातून विविध प्रकारची मदत करत सामाजिक बांधिलकी जोपासली आहे. शाळेबाहेरील विविध भागातील माहितीचा खजिना विद्यार्थ्यांना अनुभवता यावा या दृष्टीने लेले कुटुंबीयांकडून गेल्या पाच वर्षापासून सोलगाव येथील शाळेला शैक्षणिक उठावांतर्गत मदत केली जात आहे. पन्हाळा या ऐतिहासिक स्थळाला भेट देऊन तेथील वेगवेगळ्या ठिकाणांची माहिती विद्यार्थ्यांनी घेतली. रंकाळा तलावालाही भेट दिली. या वेळी मुख्याध्यापक दीपक धामापूरकर, विशाल सपकाळ, विठ्ठल मंगे, लक्ष्मण फडके, शाळा व्यवस्थापन समिती अध्यक्ष लक्ष्मण नांगरेकर, उपाध्यक्षा मानसी आईर, पुष्पमाला नांगरेकर आदी सहभागी झाले होते.