संरक्षण समितीची सोमवारी बैठक

संरक्षण समितीची
सोमवारी बैठक
रत्नागिरी ः माजी सैनिकांच्या कुटुंबीयांना संरक्षण देण्यासाठी जिल्हास्तरीय संरक्षण समितीची मासिक बैठक जिल्हा पोलिस अधीक्षक धनंजय कुलकर्णी यांच्या अध्यक्षतेखाली सोमवारी (ता. १९) सकाळी साडेदहा वाजता पोलिस अधीक्षक कार्यालयात होणार आहे. ज्या माजी सैनिकांच्या कौटुंबिक संरक्षणासंदर्भात तक्रारी असल्यास बैठकीत आपला अर्ज द्यावा आणि संबंधित कागदपत्रांसह सोमवारी उपस्थित राहावे, असे आवाहन जिल्हा सैनिक कल्याण अधिकारी यांनी केले आहे.
---
उत्सवी नाट्यस्पर्धेस
मुदतवाढ
रत्नागिरी ः तालुक्यातील उत्सवी मंडळांच्या वाढत्या आग्रहास्तव अखिल भारतीय नाट्य परिषदेच्या रत्नागिरी शाखेने आयोजित केलेल्या (कै.) नटश्रेष्ठ रमेश भाटकर स्मृती उत्सवी नाटकांच्या स्पर्धेला १५ दिवसांची मुदत वाढवण्यात आली आहे. स्पर्धेत ३० मे पर्यंत सहभागी होऊ शकता. स्पर्धेत सहभागी होण्यासाठी स्पर्धाप्रमुख नाटककार अमेय धोपटकर, अखिल भारतीय नाट्य परिषद रत्नागिरीचे कार्याध्यक्ष समीर इंदुलकर यांच्याशी संपर्क साधावा, असे आवाहन करण्यात आले आहे.
---
दाभोळकर स्कूलमधील
अध्याय सकपाळ प्रथम
चिपळूण ः तालुक्यातील सती चिंचघरी येथील धोंडीरामशेठ दाभोळकर इंग्लिश मीडियम स्कूल दहावी परीक्षेचा निकाल ९८.४८ टक्के लागला आहे. या परीक्षेसाठी विद्यालयातून ६६ विद्यार्थी प्रविष्ट झाले होते. त्यापैकी ६५ विद्यार्थी उत्तीर्ण झाले आहेत. विद्यालयातून अध्याय सकपाळ याने ९६.८० टक्के गुण मिळवून प्रथम क्रमांक मिळवला. तर मानवी सिंगने ९५.६० टक्के गुण मिळवून द्वितीय आणि हर्ष गजमलने ९१.४० टक्के गुण मिळवून तृतीय येण्याचा बहुमान प्राप्त केला आहे. उत्तीर्ण विद्यार्थ्यांपैकी विशेष प्रावीण्य ३३ विद्यार्थी, प्रथम श्रेणी २२ विद्यार्थी व द्वितीय श्रेणी १० विद्यार्थ्यांनी प्राप्त केली आहे. ९० टक्केपेक्षा जास्त गुण प्राप्त करणाऱ्या विद्यार्थ्यांची संख्यासुद्धा उल्लेखनीय आहे. यशस्वी सर्व विद्यार्थी व त्यांना मार्गदर्शन करणाऱ्या सर्व शिक्षकांचे सह्याद्री शिक्षणसंस्थेचे कार्याध्यक्ष व आमदार शेखर निकम, सचिव महेश महाडिक, उद्योजक अनिल दाभोळकर आदींनी अभिनंदन केले आहे.
------