भाटे विद्यामंदिरमध्ये रंगले माजी विद्यार्थ्यांचे स्नेहसंमेलन

– rat१७p३.jpg-
25N64452
स्नेहसंमेलनासाठी एकत्रित जमलेले माजी विद्यार्थी
---
‘भाटे’मध्ये माजी विद्यार्थ्यांचे स्नेहसंमेलन
तब्ब्ल ४३ वर्षांनी एकत्र ; शैक्षणिक साहित्याची शाळेस भेट
सकाळ वृत्तसेवा
मंडणगड, ता. १७ ः वेसवी येथील के. व्ही. भाटे विद्यामंदिर हायस्कूलमध्ये सुमारे ४३ वर्षांनी माजी विद्यार्थ्यांनी शाळेला भेट दिली. यातील अनेक विद्यार्थी हे शासकीय सेवेतील निवृत्त अधिकारी आहेत. १९८१-८२ साली दहावीत शिकणारे हे सर्व विद्यार्थी स्नेहसंमेलनानिमित्त एकत्र आले होते. त्यांनी शाळेतील जुन्या आठवणींना उजाळा दिला.
भाटे येथील या स्नेहसंमेलन कार्यक्रमात १९८१ सालच्या दहावीतील बॅचचे माजी विद्यार्थी सहभागी होते. या बॅचमधील अनेक विद्यार्थी शासकीय सेवेत सेवा बजावत आहेत. आपल्या जीवनातील यशस्वी वाटचालीत आपल्या शाळेचा महत्वाचा वाटा आहे, ते ऋणानुबंध व शाळेतील आठवणीना उजाळा देण्याकरिता हे विद्यार्थी एकत्र आले होते. यावेळी सेवानिवृत्त नायब तहसिलदार सुरेखा सरवणकर (केळुस्कर) या उपस्थित होत्या. सेवानिवृत्त शिक्षक अमरदीप यादव, सेवानिवृत्त शिक्षिका ठाणे विभाग अलका पाटील, गृहविभाग सेवा निवृत्त सदानंद कुळे, सेवानिवृत्त बँक व्यवस्थापक अजित नाचणकर, प्रदिप तुरबाडकर, सुधीर पोटफोडे, वर्षा जोशी, अरुणा जागडे (पाटील), सुगंधा पाटील, माणिक कोंबेकर, कर्वटकर, कारभारी, विजय पवार आदी शासकीय सेवेतील निवृत्त झालेले माजी विद्यार्थी उपस्थित होते. ४३ वर्षांच्या प्रदीर्घ कालावधीनंतर शालेय जीवनातील अविस्मरणीय सोनेरी गतक्षण जगायला मिळाले. यावेळी माजी विद्यार्थ्यांनी शैक्षणिक साहित्य शाळेचे संस्थाचालक आनंद भाटे व शिक्षक श्री. जाधव यांचेकडे सपूर्द केले.