अडूरमध्ये भाजपच्या कार्यालयाचे उद्घाटन

अडूरमध्ये भाजपच्या कार्यालयाचे उद्‍घाटन
सकाळ वृत्तसेवा
गुहागर, ता. १७ : तालुक्यातील कोंडकारूळ गटाच्या अडूर येथील भारतीय जनता पार्टीच्या जनसंपर्क कार्यालयाचे उद्‍घाटन माजी आमदार विनय नातू यांच्या हस्ते झाले. कोंडकारूळ जिल्हा परिषद गटातील जनतेच्या समस्या सोडविण्यासाठी व विकास कामे करण्यासाठी मूळचे रहिवासी असलेले नीलेश दाते यांनी हे कार्यालय सुरू केले आहे. दाते यांनी गरजू रुग्णांना मुख्यमंत्री सहाय्यता निधीतून आर्थिक मदतही मिळवून दिली आहे. पर्यटनाच्या माध्यमातून रोजगार उपलब्ध करून देण्यासाठी प्रयत्नशील आहेत. त्यांनी नीलेश दाते प्रतिष्ठानची स्थापना नुकतीच केली असून त्या माध्यमातूनही ते अनेकांना मदत करणार आहेत. या वेळी गुहागर तालुका युवा मोर्चाचे अध्यक्ष हरिष वेल्हाळ, पालशेतचे माजी उपसरपंच महेश वेल्हाळ, नितीन कनगुटकर, पालशेत येथील आम्ही कोकणस्थचे संस्थापक अध्यक्ष गुरुदास साळवी आदी उपस्थित होते.