दापोली तहसिल कार्यालय विभागात प्रथम

दापोली तहसिल कार्यालय विभागात प्रथम

Published on

दापोली तहसिल कार्यालय विभागात प्रथम
१०० दिवस सुधारणा कार्यक्रम; स्वच्छतेसह सेवा देण्यावर भर
सकाळ वृत्तसेवा
दापोली, ता. १८ः मुख्यमंत्री देवेंद्र फडणवीस यांनी १०० दिवसांच्या कार्यालयीन सुधारणा कार्यक्रम जाहीर केला होता. त्यामध्ये कोकण विभागातून दापोली तहसिल कार्यालयाने प्रथम क्रमांक पटकाविला आहे.
दापोली तहसीलदार कार्यालयाने वेबसाईट सुधारणा, कार्यालयीन सोयीसुविधा, स्वच्छता, तक्रार निवारण, सुलभ जीवनमान, गुंतवणूकीस चालना, तंत्रज्ञानाचा वापर इत्यादी १० मुद्यांवर १०० दिवसांची कार्यालयीन सुधारणांची विशेष मोहिम जाहीर केली होती. त्यामध्ये दापोलीच्या तहसीलदार अर्चना बोंबे यांनी आपल्या सहकाऱ्यांच्या मदतीने तहसिल कार्यालयाच्या इमारतीची डागडुजी दुरूस्तीसह इमारतीला रंग, विजेचे फिटींग, कर्मचाऱ्यांसाठी सुविधा तसेच नागरिकांसाठी पिण्याचे पाणी, रेशनकार्ड एका दिवसात देणे, पोर्टल तक्रार निवारण केंद्र, लोकांना प्रत्येक सेवा देण्याचा प्रयत्न, वेगवेगळ्या सेवांचे बारकोड स्कॅनर बोर्ड तयार करून कार्यालयात लावणे, स्वच्छतागृहांची निगा राखणे आदी बाबीकडे लक्ष दिल्यामुळे महाराष्ट्र शासनाचा दापोली तहसीलदार कार्यालयाला प्रथम क्रमांकाचा पुरस्कार मिळाला आहे. शंभर दिवसांच्या सुधारणा मोहिमेचा दुसऱ्या टप्प्याचा निकाल जाहीर करण्यात आला असून त्यामध्ये दापोली तहसिल कार्यालयाचा कोकण विभागामध्ये प्रथम क्रमांक आला आहे.

कोट
हा पुरस्कार सर्व महसूल कर्मचारी, तलाठी, सर्कल यांनी केलेल्या मेहनतीमुळे प्राप्त झाला असून जनतेनेही या मोहिमेला साथ दिली आहे. या पुरस्कारामुळे आमची जबाबदारी वाढली आहे. यापुढे अजून जनताभिमुख प्रशासनाची मोहिम राबवून गोरगरीबांची सेवा केली जाईल.
- अर्चना बोंबे-घोलप, तहसीलदार

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Marathi News Esakal
www.esakal.com