संयुक्त योगोपचार शिबिरास केरवडेत उत्स्फूर्त प्रतिसाद

64813

संयुक्त योगोपचार शिबिरास
केरवडेत उत्स्फूर्त प्रतिसाद

सकाळ वृत्तसेवा
कुडाळ, ता. १९ ः तालुक्यात योग प्रसाराचे कार्य मोठ्या वेगाने चालू आहे. केरवडे गावात संयुक्त योगोपचार शिबिरामध्ये पतंजली योग समिती सिंधुदुर्गमार्फत विशेष योगाभ्यास घेण्यात आला. पाच दिवसांच्या या योग शिबिरास चांगला प्रतिसाद मिळाला. अनेक योगसाधकांनी या शिबिरामध्ये सहभाग घेऊन योगाभ्यासाचा लाभ घेतला.
यावेळी पतंजली योग समिती जिल्हा प्रभारी शेखर बांदेकर, सावंतवाडी सोशल मीडिया तहसील प्रभारी लक्ष्मण पावसकर, उपसरपंच अर्जुन परब, विलास परब, शिवराम परब, यशवंत आरोसकर, सुधीर सावंत, महेश गावडे, डॉ. अशोक नाईक आदी मान्यवर उपस्थित होते. शेखर बांदेकर यांचा शाल, श्रीफळ, भेटवस्तू देऊन गावाच्या वतीने सत्कार करण्यात आला. पतंजलीचे पदाधिकारी व कुडाळमधील योगशिक्षक यांनाही सन्मानित करण्यात आले. सर्व शिबिरार्थींनी आपले अनुभव व्यक्त केले. सूत्रसंचालन बाबाजी भोई यांनी केले. हे शिबिर केरवडे तर्फ माणगाव शाळेच्या पटांगणात घेण्यात आले. यासाठी शाळा व्यवस्थापन कमिटीने जागा मोफत उपलब्ध करून दिली. त्याबद्दल त्यांचे आभार व्यक्त करण्यात आले. विलास परब यांनी गावकऱ्यांचे व शाळेचे शिक्षक सुधीर सावंत, महेश गावडे यांचे विशेष आभार मानले. या शिबिरास सुमारे ७५ ते ८५ योग साधकांची दररोज उपस्थिती लाभली. पुढील महिनाभर आप्पासाहेब पटवर्धन माध्यमिक विद्यालय मांडकुली केरवडेच्या सभामंडपात नियमित योगवर्ग सुरू राहणार असून त्यात सर्वांनी सहभाग घेऊन शास्त्रोक्त पद्धतीने योगाभ्यास शिकावा, असे आवाहन आयोजकांकडून करण्यात आले आहे.