बांदा खेमराज हायस्कूल रस्त्याला अखेर बाजूपट्टी

64879

बांदा खेमराज हायस्कूल
रस्त्याला अखेर बाजूपट्टी

सकाळ वृत्तसेवा
बांदा, ता. १९ ः येथील खेमराज हायस्कूल समोर नवीन बनविलेल्या सिमेंट रस्त्यालगत बाजूपट्टी नसल्याने अपघात सत्र सुरू होते. याची दखल घेत ग्रामपंचायतीकडून दोन्ही बाजूंना माती टाकून बाजूपट्टी करण्यात आल्याने चालकांतून समाधान व्यक्त होत आहे.
खेमराज हायस्कूल ते ग्रामपंचायत हा रस्ता सिमेंटचा बनविण्यात आला आहे. या रस्त्याला बाजूपट्टी नसल्याने समोरून येणाऱ्या वाहनांना बाजू देताना अनेक वाहने रस्त्यावरून खाली उतरून अपघातग्रस्त होत होती. याबाबत वेळोवेळी ग्रामपंचायतीचे लक्ष वेधण्यात आले होते. याची दखल घेत ग्रामपंचायतीने बाजूपट्टीचे काम करून दिले. माजी उपसरपंच तथा विद्यमान ग्रामपंचायत सदस्य राजाराम उर्फ बाळू सावंत, ग्रामपंचायत सदस्य साईप्रसाद काणेकर, रुपाली शिरसाट, सामाजिक कार्यकर्ते नीलेश कदम यांनी उपस्थित राहून बाजूपट्टी बनवून घेतली. यामुळे वाहनचालकांतून समाधान व्यक्त होत आहे.