कुलस्वामिनी भवानी मातेचा कुडाळात आज गोंधळ उत्सव

64878

कुडाळात आज धार्मिक कार्यक्रम
कुडाळ, ता. १९ ः सावंत-प्रभावळकर राजघराण्याची कुलस्वामिनी श्री देवी भवानी मातेचा त्रैवार्षिक गोंधळ उद्या (ता. २०) श्री देवी भवानी मंदिर वाघसावंत टेंब, श्री देवी केळबाई मंदिर रोड, कुडाळ येथे होत आहे. यानिमित्त विविध धार्मिक कार्यक्रमांचे आयोजन करण्यात आले आहे.
सकाळी ७ वाजता नौबत व देवीची नित्यपूजा, देवीची मानाची ओटी भरून इतर ओट्या भरण्याचा कार्यक्रम, ११ वाजता बलिदान, सायंकाळी ६ वाजता महानैवेद्य, ७ वाजता देवीचा मांड भरणे, दिवटी पाजळून ढोल-ताशांच्या गजरात देवीचे मांडावर आगमन, नंतर ओट्या भरणे, रात्री ८ वाजता महाप्रसाद आदी कार्यक्रम होणार आहेत. या धार्मिक सोहळ्यास उपस्थित राहून महाप्रसादाचा लाभ घ्यावा, असे आवाहन व्यवस्थापक जय भवानी मित्रमंडळ, कुडाळ समस्त सावंत-प्रभावळकर कुटुंबीय आणि सावंत-भोसले, राणे, मोहिते परिवार यांनी केले आहे.