बांधकाम कामगारांनी योजनांचा लाभ घेऊन प्रगती करा

- rat२०p८.jpg-
२५N६४९९२
हातखंबा ः येथे नोंदणीकृत बांधकाम कामगारांना गृहोपयोगी वस्तूवाटप करताना महेश म्हाप, अ‍ॅड. सुयोग कांबळे, विद्या बोंबले, विजय राऊत, अ‍ॅड. सागर पाखरे आदी.
----
बांधकाम कामगारांनी योजने आधारे प्रगती करावी
महेश म्हाप ः हातखंबा येथे कामगारांना वस्तूंचे वितरण
सकाळ वृत्तसेवा
पाली, ता. २० ः शासनाने नोंदणीकृत बांधकाम कामगारांच्या कल्याणासाठी विविध योजना आणलेल्या आहेत. त्या योजनांचा लाभ घेऊन बांधकाम कामगारांनी प्रगती करावी, असे आवाहन शिवसेना तालुकाप्रमुख महेश म्हाप यांनी केले.
हातखंबा, पाली येथे आयोजित कार्यक्रमात ते बोलत होते. या वेळी जिल्हा सहाय्यक कामगार उपायुक्त संदेश आयरे, प्रसिद्ध उद्योजक रवींद्र सामंत, सचिन सावंत, अ‍ॅड. सुयोग कांबळे, विद्या बोंबले, प्रमोद डांगे, सरपंच जितेंद्र तारवे, पाली उपसरपंच संतोष धाडवे, साठरेबांबर सरपंच तृप्ती पेडणेकर, उपसरपंच प्रमोद ठीक आदी उपस्थित होते. पालकमंत्री डॉ. उदय सामंत आणि आमदार किरण सामंत यांनी या परिसरातील बांधकाम कामगारांना शासकीय योजनांचा लाभ मिळावा म्हणून नोंदणी शिबिर भरवण्याच्या सूचना पक्षाच्या पदाधिकाऱ्यांना दिल्या होत्या. त्यानुसार युवासेना विभागप्रमुख अ‍ॅड. सुयोग कांबळे यांनी विलास बोंबले, पाली युवासेना शाखाप्रमुख विजय राऊत, अ‍ॅड. सागर पाखरे यांच्या सहकार्याने कामगार नोंदणी मोहीम राबवली. म्हाप यांनी बांधकाम कामगार यांना सहज उपलब्ध न होणारे कंत्राटदार प्रमाणपत्रही मिळवून दिले. त्यातील वस्तूंच्या वितरणप्रसंगी बोलताना म्हाप म्हणाले, नोंदणीकृत कामगारांसाठी ही योजना फक्त भांड्यांसाठी नसून, त्या कामगारांच्या सुखदुःखात उपयुक्त ठरणाऱ्या आहेत. त्यासाठी कामगारांनी नोंदणी करावी.
-----
अशी मिळते मदत
नोंदणी केलेल्या कामगारांच्या पाल्यांसाठी पहिली ते सातवीपर्यंत शैक्षणिक मदत म्हणून अडीच हजारांची मदत मिळते. मूल जन्माला आल्यानंतर, अपघाती मृत्यू पावल्यास कामगारांना मदत दिली जाते. शासनाचे या कामगार कल्याणसाठीच्या महत्त्वाकांक्षी योजनेसाठी पात्र लाभार्थ्यांची नोंदणी करून घेण्यात आली आहे.