सुरभी अभ्यंकरने मिळवली अमेरिकेत डॉक्टरेट

- rat२०p१.jpg-
P२५N६४९८४
रत्नागिरी ः अमेरिकेतील दीक्षांत समारंभात सुरभी अभ्यंकर.
---
सुरभी अभ्यंकरला अमेरिकेची डॉक्टरेट
जिल्ह्यातील पहिली विद्यार्थिनी; दिमाखदार दीक्षांत समारंभ
सकाळ वृत्तसेवा
रत्नागिरी, ता. २० : रत्नागिरी जिल्ह्यातील कर्ला येथील सुरभी अभ्यंकर हिने अमेरिकेतील इंडियाना युनिव्हर्सिटी स्कूल ऑफ मेडिसिन येथून जैवरसायनशास्त्र आणि आण्विक जीवशास्त्र या विषयात डॉक्टरेट मिळवले आहे. रत्नागिरी जिल्ह्यातील ती पहिली विद्यार्थिनी ठरली.
इंडियाना युनिव्हर्सिटी इंडियाना पोलिस येथे १५ मे रोजी पार पडलेल्या दीक्षांत समारंभात पीएचडी झालेल्या विद्यार्थ्यांचा सन्मान करण्यात आला. या वेळी सुरभीचा गौरव संशोधन मार्गदर्शकांच्या हस्ते पदवी प्रदान करण्यात आली. पीएचडीसाठीचा पेहराव (हूड) खास राजेशाही निळ्या रंगाचा असतो जो विद्येच्या उच्चस्तराचे प्रतीक मानला जातो. या कार्यक्रमात युनिव्हर्सिटीच्या अध्यक्ष डॉ. पामेला व्हिटन यांनी डॉक्टरेट घेतल्याचे अधिकृत जाहीर केले. १६ मे रोजी इंडियाना युनिव्हर्सिटी स्कूल ऑफ मेडिसिनच्या स्वतंत्र समारंभात सुरभी हिला पुन्हा एकदा डॉक्टोरल हूडिंग देण्यात आले. तसेच स्कूल ऑफ मेडिसिनचे डीन यांच्या हस्ते पीएचडी पदवीचे अधिकृत प्रमाणपत्र प्रदान करण्यात आले. सुरभीची ही प्रेरणादायी वाटचाल म्हणजे चिकाटी, जिद्द, कुटुंबीयांचा आधार आणि विज्ञानावरील निष्ठा यांचं मूर्त उदाहरण ठरते.