असलदेतील क्रिकेट स्पर्धेत देवगड साईकृपा ''ब'' विजेता

swt204.jpg
65026
असलदे ः विजेत्या देवगड साईकृपा ब संघाला चषक देऊन गौरविण्यात आले.

असलदेतील क्रिकेट स्पर्धेत
देवगड साईकृपा ''ब'' विजेता
सकाळ वृत्तसेवा
नांदगाव, ता. २० ः श्री गणेश मंडळ असलदे दिवानसानेवाडी आयोजित नाईट बॉक्स क्रिकेट स्पर्धेच्या अंतिम सामन्यात सांघिक खेळाच्या जोरावर देवगड साईकृपा ''ब'' संघाने साईकृपा ''अ'' संघाला मात देऊन चषकावर आपले नाव कोरले. या स्पर्धेत जिल्ह्यातील नामवंत ३० संघाचा सहभाग होता. दोन रात्री चाललेल्या या स्पर्धेच्या उपांत्य फेरीच्या सामन्यात फ्रेंड सर्कल देवगड व श्री गणेश असलदे दिवानसानेवाडी या संघांना पराभूत करत साईकृपा देवगडच्या ''अ'' आणि ''ब'' दोन्ही संघांनी अंतिम फेरीत प्रवेश केला. अंतिम सामन्यात ब संघाने निर्णायक क्षणी सामन्यावर पकड मिळवत अ संघाचा पराभव केला. विजेत्या साईकृपा देवगड ब संघाला १० हजार व चषक, उपविजेत्या साईकृपा अ संघाला रोख ५ हजार व चषक देऊन गौरविण्यात आले. तृतीय क्रमांक फ्रेंड सर्कल देवगडला ३ हजार व चषक, चतुर्थ श्री गणेश असलदे दिवानसानेवाडी यांना चषक देऊन गौरविण्यात आले.
संदेश घारे याला उत्कृष्ट फलंदाज, उत्कृष्ट गोलंदाज म्हणून स्वप्नील साटम यांना चषक देऊन मान्यवरांच्या हस्ते गौरविण्यात आले. स्पर्धा यशस्वी होण्यासाठी श्री गणेश मंडळ दिवानसानेवाडी, ग्रामस्थ व युवा वर्गाने विशेष परिश्रम घेतले.