देवरूख परिसरात गटाराचे पाणी घरात

- rat२१p३९.jpg -
२५N६५३२९
देवरूख ः दत्तनगर येथे गटाराचे पाणी घरात शिरले होते.
---
देवरूख परिसरात गटाराचे पाणी घरात
सकाळ वृत्तसेवा
देवरूख, ता. २२ ः मुसळधार पावसामुळे देवरूख शहरातील दत्तनगर येथील द्रौपदी इन हॉटेलच्या बाजूला असलेल्या तीन घरांमध्ये गटाराचे पाणी शिरले. हे पाणी विहिरीतही गेल्यामुळे पिण्याच्या पाण्याचा प्रश्न गंभीर झालेला आहे.
मुसळधार पावसाने देवरूख येथील शाळा क्र. ३ या परिसरातील पाणी आजुबाजूच्या घरांमध्ये घुसले. या परिसरातील गटारांच्या सांडपाण्याची व्यवस्था करणे गरजेचे होते. या समस्येबाबत येथील नागरिक रवींद्र कळंबटे, हरिश्चंद्र कळंबटे, कृष्णा खापरे यांनी नगरपंचायतीला निवेदन दिले आहे. या परिसराची पाहणी करून ही समस्या मार्गी लावावी, अशी विनंती त्यांनी केली आहे.
पहिल्याच पावसात अशी परिस्थिती असेल तर आगामी काळात ही समस्या गंभीर होणार आहे. त्यामुळे नगरपंचायतीने ही समस्या विचारात घेऊन त्यावर उपाययोजना करावी, अशी मागणी या परिसरातील नागरिकांकडून होत आहे.