संसार, नोकरी सांभाळून दिली दहावीची परीक्षा

काही सुखद---लोगो

-rat२२p३.jpg-
२५N६५५५४
चिपळूण ः मनीषा बांद्रे यांचे दहावीतील यशाबद्दल अभिनंदन करताना राष्ट्रवादी काँग्रेसच्या महिला शहराध्यक्ष राधा शिंदे व दिनेश शिंदे.
------
संसार, नोकरी सांभाळून झाल्या दहावी उत्तीर्ण
मनीषा बांद्रेंचे यश; २५ वर्षापूर्वी सोडली होती शाळा
सकाळ वृत्तसेवा
चिपळूण, ता. २२ : महिलांना अनेक कारणांमुळे शिक्षण अर्धवट सोडावे लागते. यातीलच एक गोवळकोट येथील मनीषा बांद्रे. २५ वर्षांपूर्वी त्यांनी सातवीत शाळा सोडली. लग्न झालं, संसार सुरू झाला. संसारासाठी स्वतः नोकरी सुरू केली; परंतु शिक्षणाचे महत्त्व कुठेतरी कळलं आणि यंदा त्यांनी दहावीची परीक्षा दिली. संसार सांभाळत अभ्यास केला, कुठलाही शिकवणी न लावता दहावीच्या परीक्षेत उत्तीर्ण झाल्या.
शिकण्याची जिद्द असली की, माणूस यश मिळवतोच, याचं मूर्तिमंत उदाहरण बांद्रे यांनी दाखवून दिले आहे. २५ वर्षांपूर्वी त्यांनी सातवीत शाळा सोडली मग पुढे लग्न झालं. तीन मुलं झाली. मोठी मुलगी बारावीला तर दुसरी मुलगी दहावीत शिकत आहे. मुलगा सहावीमध्ये शिक्षण घेत आहे. पती बांद्रे हे नगर पालिकेमध्ये सफाई कर्मचारी म्हणून काम करत आहेत. संसाराचा गाढा रेटण्यासाठी त्याही शहरातील विठाई हॉस्पिटलमध्ये नोकरी करतात. शिक्षणाची ओढ असणाऱ्या बांद्रे यांना आपले शिक्षण कमी आहे ही गोष्ट स्वस्थ बसू देत नव्हती. त्यामुळे त्यांनी यंदा दहावीची परीक्षा देण्याचा निर्णय घेतला. तीन मुलांचे शिक्षण, स्वतःची नोकरी असा संसार सांभाळत त्यांनी दहावीची परीक्षा दिली. घरच्याघरी अभ्यास सुरू केला. सातत्य, जिद्द, प्रामाणिक प्रयत्न या बळावर त्यांनी दहावीत ४५ टक्के गुण मिळवले.