आंबोलीतील शिबिरात २७ जणांचे रक्तदान

65806

आंबोलीतील शिबिरात
२७ जणांचे रक्तदान

सकाळ वृत्तसेवा
सावंतवाडी, ता. २३ ः ऑन कॉल रक्तदाते संस्था, सिंधुदुर्ग आणि मायकल डिसोझा मित्रमंडळ, आंबोली यांच्या संयुक्त विद्यमाने नुकतेच आंबोलीतील प्राथमिक आरोग्य केंद्रात रक्तदान शिबिर पार पडले. यात एकूण २७ जणांनी रक्तदान केले. सरपंच सौ. सावित्री पालेकर यांनी रक्तदान करुन जनतेसमोर एक सुंदर आदर्श घालून दिला. तसेच काही महिला आणि युवकांनीही रक्तदान केले. कोल्हापूरमधील वैभवीलक्ष्मी ब्लड सेंटरच्या रक्तपेढी टीमने रक्तसंकलन केले.
यावेळी सरपंच सौ. पालेकर, ग्रामपंचायत सदस्या सौ. सारिका गावडे, ऑन कॉल रक्तदाता संस्थेचे अध्यक्ष तथा निवृत्त पोलिस उपविभागीय अधिकारी दयानंद गवस, रेस्क्यू टीमलीडर तथा संस्थेचे नियमित ऑन कॉल रक्तदाते मायकल डिसोझा, विजय राऊत, प्राथमिक आरोग्य केंद्र, आंबोलीचे वैद्यकीय अधिकारी डॉ. महेश जाधव, ऑन कॉल रक्तदाते संस्थेचे कार्याध्यक्ष महेश रेमुळकर, सचिव बाबली गवंडे, खजिनदार सिद्धार्थ पराडकर तसेच आंबोली ग्रामस्थ बहुसंख्येने उपस्थित होते. राजू राऊळ, नारायण चव्हाण, अभय गावडे, सोनु गावडे, सतीश कोरगावकर, उत्तम नार्वेकर, झहीर शेख, पार्थ भिसे, सेल्विन गोन्साल्वीस, राहुल चव्हाण, परेश कर्पे, विशाल बांदेकर, रमेश मोहिते, मनेश नार्वेकर, रामचंद्र गावडे, संदेश राऊत, भूषण जोशी, मंदार जाधव इत्यादींनी शिबिरासाठी मेहनत घेत रक्तदानही केले. रक्तदान शिबीर उत्तमरित्या होण्यासाठी आंबोली प्राथमिक आरोग्य केंद्राचे उत्तम सहकार्य लाभले.