पावस-अर्जून ड्रोनद्वारे आंबा कलमावर फवारणी

rat23p16.jpg-
65786
रत्नागिरी : मृदा परीक्षण शिबिरात अर्जुन ड्रोनद्वारे फवारणीचे प्रात्यक्षिक दाखवण्यात आले.
--------------
अर्जुन ड्रोनद्वारे आंबा कलमावर फवारणी
कृषी विज्ञान केंद्र : मृदा परीक्षण शिबिरात प्रात्यक्षिक
पावस, ता. २३ : रत्नागिरी येथील कृषी विज्ञान केंद्र येथे मृदा परीक्षण शिबिर आणि आधुनिक तंत्रज्ञानावर आधारित अर्जुन ड्रोनचे प्रात्यक्षिक दाखवण्यात आले. शेतकऱ्यांना आधुनिक कृषी तंत्रज्ञानाची माहिती देणे आणि मृदा आरोग्याचे महत्त्व पटवून देणे, हा या शिबिराचा मुख्य हेतू होता.
कार्यक्रमाला केंद्राचे वरिष्ठ शास्‍त्रज्ञ आणि प्रमुख डॉ. ए. ए. हणमंते, कृषितज्ज्ञ डॉ. महेश महाले, कीटकशास्‍त्रज्ञ डॉ. जितेंद्र दुबाळे, वरिष्ठ संशोधन सहायक फिलीप गावित आणि मनोज वामकर, कृषी विभागाचे मंडळ अधिकारी गुरव आणि अनिल मोरे उपस्थित होते. शिबिरात परिसरातील अनेक प्रगतिशील शेतकऱ्यांनी सहभाग नोंदवला. यामध्ये फणस उत्पादक व उद्योजक हरिश्‍‍चंद्र देसाई, आंबा उत्पादक अल्ताफ काझी, रिलायन्स फाउंडेशनचे अधिकारी राजेश कांबळे यांनी सहभाग घेतला होता.
सलाम किसान या संस्थेकडून ''अर्जुन ड्रोन''चे सादरीकरण करण्यात आले. या सादरीकरणासाठी मार्केटिंग मॅनेजर सुमित मुंगले, ड्रोन पायलट साहिल खेलकर आणि ड्रोन फ्रँचायजी मॅनेजर उत्कर्ष शहारे हे उपस्थित होते. कार्यक्रमादरम्यान ड्रोनद्वारे औषध फवारणी व शेती निरीक्षणाचे प्रात्यक्षिक दाखविण्यात आले. विशेषतः अर्जुन ड्रोनचे प्रात्यक्षिक आंबा झाडांवर दाखविण्यात आले. मृदा परीक्षणाद्वारे शेतकऱ्यांना त्यांच्या जमिनीत असलेल्या पोषणतत्त्वांची माहिती मिळाली. याचा उपयोग त्यांनी योग्य खत व्यवस्थापनासाठी कसा करावा, याविषयी मार्गदर्शन करण्यात आले. शेतकऱ्यांनी या उपक्रमाला उत्स्फूर्त प्रतिसाद दिला.