-लांजात तिरंगा रॅलीने सैनिकांना मानवंदना

-rat२३p१७.jpg -
२५N६५८०५
लांजा ः तिरंगा रॅलीत सहभागी लांजावासीय.
---------

तिरंगा रॅलीने सैनिकांना मानवंदना
लांज्यात आयोजन ; नागरिकांचा उत्स्फूर्त सहभाग
सकाळ वृत्तसेवा
लांजा, ता. २४ ः देशाच्या सैनिकांमुळे नागरिक सुरक्षित असून देशासाठी लढणाऱ्या सैनिकांमुळे आम्ही घरात सुखानं झोपतो. त्यामुळे त्यांचे मानावे तेवढे आभार थोडेच असल्याचे मत आमदार किरण सामंत यांनी व्यक्त केले.
लांजा व्यापारी संघटनेच्या वतीने आयोजित तिरंगा रॅलीत आमदार किरण सामंत सहभागी झाले होते. या वेळी तालुक्यातील सर्व माजी सैनिकांना निमंत्रित करण्यात आले होते. त्यांचा सत्कार आमदार सामंत यांच्या हस्ते करण्यात आले.
व्यापारी संघटनेच्या वतीने जी रॅली काढण्यात आली ती कुठल्याही पक्षाची नाही तर लांजावासीयांची आहे, राष्ट्रप्रेमाची आहे, अशी भावना व्यक्त करत आज देशातील नागरिक देशाच्या सीमेवर लढत असलेल्या सैनिकांमुळे सुरक्षित असल्याचे आमदार सामंत यांनी सांगितले. या वेळी तहसीलदार प्रियंका ढोले, लांजा व्यापारी संघटनेचे अध्यक्ष प्रसन्न शेट्ये, राजू कुरूप, महंमद रखांगी, विजय कुरूप, सचिन माजलकर, राहुल शिंदे, सुजित आंबेकर, प्रसाद माने आदी उपस्थित होते.