डायबेटिक रेटिनोपॅथी तपासणीसाठी

डायबेटिक रेटिनोपॅथी तपासणीसाठी
डॉ. प्रसाद कामत लांजा, रत्नागिरीत
सकाळ वृत्तसेवा
रत्नागिरी, ता. २४ : मधुमेहामुळे डोळ्यांवर होणाऱ्या गंभीर परिणामांपैकी एक म्हणजे डायबेटिक रेटिनोपॅथी. हा आजार सुरुवातीला कोणतीही लक्षणे न देता दृष्टिदोष निर्माण करतो किंवा अंधत्वापर्यंत नेऊ शकतो. या पार्श्वभूमीवर इन्फिगो आयकेअर हॉस्पिटलने विशेष नेत्रतपासणी शिबिराचे आयोजन केले आहे.
या शिबिरात शंकर नेत्रालय (चेन्नई) येथून प्रशिक्षित व रेटिना विकारांवरील अनुभव असलेले प्रसिद्ध रेटिनातज्ज्ञ डॉ. प्रसाद कामत रुग्णांची तपासणी व आवश्यकतेनुसार उपचार करणार आहेत. रेटिनोपॅथीसारख्या जटिल आजारांसाठी अशा तज्ज्ञांची भेट ही कोकणातील रुग्णांसाठी एक मोठी संधी ठरणार आहे.
डॉ. कामत २६ व २८ मे रोजी इन्फिगो आयकेअर हॉस्पिटल, साळवीस्टॉप, रत्नागिरी येथे उपलब्ध असणार आहेत. २७ रोजी इन्फिगो थ्रीडी आय क्लिनिक, लांजा येथे उपलब्ध असणार आहेत. या शिबिरात विशेषतः मधुमेह असलेल्या रुग्णांनी सहभागी होणे अत्यंत आवश्यक आहे. दृष्टी धूसर होणे, प्रकाशात चमक जाणवणे, अचानक दृष्टी कमी होणे यासारख्या तक्रारी असणाऱ्यांनीही या तपासणीसाठी पुढे यावे, असे आवाहन हॉस्पिटल प्रशासनाकडून करण्यात आले आहे. या शिबिराचा लाभ घेण्याचे आवाहन इन्फिगो आयकेअर हॉस्पिटलने केले आहे.