आंबवलीत गरजूंना मदतीचा हात

आंबवलीत गरजूना
मदतीचा हात
खेड ः आंबवली येथील अपघाती मृत्यू झालेल्या संतोष आखाडे यांच्या कुटुंबीयांना मुलांच्या शिक्षणासाठी खेडचे माजी नगराध्यक्ष विजय उर्फ बाबू चिखले यांच्या स्मरणार्थ आर्थिक मदतीचा हात देण्यात आला. या प्रसंगी लायन्स क्लबचे प्रांतपाल डॉ. वीरेंद्र चिखले, लायन्स क्लबचे माजी अध्यक्ष रोहन विचारे, बाबू चिखले यांचे चिरंजीव आदित्य चिखले, भाऊ लाड, आदेश चिखले आदी उपस्थित होते.

खेड येथील
शेतकऱ्यांना आवाहन
खेड ः तालुक्यातील शेतकरी बंधू-भगिनींना जिल्हा परिषद सेस २०२५-२६ अंतर्गत कृषी विद्यापीठ, महाबीज व राष्ट्रीय बीज निगममार्फत उपलब्ध भातबियाणे खरेदीवर ७५ टक्के अनुदान किंवा जास्तीत जास्त १५०० रुपये अनुदान देण्यात येत आहे. शेतकऱ्यांनी विहित नमुन्यातील अर्जासोबत भातबियाणे खरेदी पावती, भातशेतीची नोंद असलेला सातबारा, आधारकार्ड झेरॉक्स, बॅंक पासबुकची झेरॉक्स जोडून प्रस्ताव पंचायत समितीत जमा करावा. जास्तीत जास्त शेतकऱ्यांनी या योजनेचा लाभ घ्यावा, असे आवाहन गटविकास अधिकारी (गट-अ) यांनी केले आहे.